50
3
9
港鐵元朗站 F 出口, 步行約1分鐘
繼續閱讀
開飯介紹
由RubberBand成員阿偉與朋友合資開設的石燒牛扒專門店。客人可到自動售票機選擇心水牛肉部位和分量，餐廳會預先烹調牛扒至一成熟，再以自助形式讓客人使用石板自行調節牛扒生熟程度。供應美國產神石牛、安格斯、日本及澳洲和牛等。
繼續閱讀
營業時間
星期一至四
12:00 - 22:00
星期五
12:00 - 22:30
星期六
11:30 - 22:30
星期日
11:30 - 22:00
以上資料只供參考, 請與餐廳確認詳情
首先已經第二次去食，第一次係佢剛剛開嘅時候，都覺得還好，但係今次去食，入到舖頭店員服務質素真係。。再加上d牛都差左好多，我哋仲要唔係叫特價餐，佢哋而家有啲餐係半價嘅，我哋係叫返石燒正價餐既都咁樣，真係好難想像其他有折個d咩質素 。。真係唔會再去食。。唔好話做半價，一折都唔值得去食，之祈唔好中伏！！！同埋其實覺得餐廳真係可以唔洗請店員啦，反正全部野都係自助架啦，d店員佢地成日唔知行左去邊，態度又差。。
繼續閱讀
中伏 午餐 #神石燒 #元朗 #yoho店舖侍應無服務可言，可能佢知食物難食？！我諗住Yoho食野唔會差得去邊，但店不可貌相.坐坐下成家小強出曬黎….係我坐既位置旁..垃圾，雖然我知出街食都會唔乾淨但係起碼我唔係食緊大排檔囉！比唔起人食整，到細細塊，就唔好出呢個價錢啦！侍應一放落枱未食過，就影啦，選左2，3號餐1定要點4款。豬排乾柴烈火，牛排薄切，無牛味，粟米變酸，西蘭花變黃，只有雞扒，同腸仔食得下外咁覺自己食左啖氣…半自助式吧仲有任食既沙拉菜，飯，青瓜。拎左個似用凍水未煲熱既紙菜水，拎左青瓜係變酸既之後我已經無咩謂口等朋友佢食埋轉場再食過！埋單179
繼續閱讀
任食飯，沙律，湯。先揀一個肉主食，今次揀咗期間限定$95蚊黑安格斯牛肩胛扒套餐（300g)同主餐牌$138牛豬雞300g（主餐牌係openrice 訂枱有79折優惠）。 個人覺得$95個套餐好食過牛豬雞餐，牛味道正正常常，牛豬雞都冇乜點醃過，一定要點醬食。反而任食白湯有驚喜，好有牛味。白飯有得任加紫菜，可以自制牛角飯（衰在個汁，冇牛角汁咁好食，但小女子都食咗2碗飯，如果大食既人算係抵食。如果沒有加一服務費會好抵食d。
繼續閱讀
食品差，出餐等得耐，手機落單，食物叫左兩次，只出一次，有D仲冇到，9O分食用時間，落餐6O分鐘，冇人提客人，有個中年年紀大似管舖既女侍應見後生既女侍應幫客係火鍋上加湯，年紀大女侍應責怪後生女侍應是不應該幫客加湯，要客人自己加湯，佢(年紀大)企係客人身邊，望住客人食嘢，指指點點，粗聲粗氣，咁燒唔咁，應該係咁。。。咁。。咁，又話你D爐太近唔得架，佢唔係出手幫客整好位置，而係出口術叫客人自己做，問佢拎牙籤，拎碗碟，只是冷冷咁用手指指方向，即是叫客人自己起身行去自己拎。想問咁都要收10%服務费，食左成千幾元，服務费都收百幾，何來服務？直情係幫店舖倒米，實在太差，冇下次，唔會再來。
繼續閱讀
DON'T COME 真心勸世星期日諗住一家人出去開開心心食大餐，最後食到全家躁底🥲 揀咗燒肉放題，見到有豬牛羊都有，又有串燒薯條又有嘢飲，諗住應該ok啦，點知中大伏🥲 冇寫開食評，但間嘢太垃圾，特登驗證返個email俾負評勸世，希望唔好有其他受害者🙏1. 衛生情況唔掂本身以為喺YoHo都唔會太差，但啲碗碟都有污漬🫠 特登斟咗杯熱水洗餐具同碗，唔講以為去咗酒樓🫡2. 出餐極慢，漏咗好多張單點餐到出餐起碼15分鐘，中間嗌罐可樂都要等15分鐘，連阿媽都躁咗。漏咗好多好多單，如果餐廳負責人睇到小妹篇食評，麻煩俾返一份烏冬、兩隻日本雞蛋、一份薯條、仲有其他你俾漏咗嘅食物我🙏3. 服務質素好差唔知係咪因為得兩個樓面（一個後生一個中年），所以佢地做到躁底。但間鋪又唔多人，最高峰八成入座率🫥 個中年女侍應服務態度好差🙃 節錄兩個事例俾大家睇：a) 我地嗌咗兩個壽喜燒鍋同兩個石板燒，後生女侍應擺上檯面，因為張檯細所以擺得都幾埋。跟住中年女侍應走過嚟，*同我地講*話：“唔可以擺咁埋㗎喎，搶火會爆炸㗎喎。”咁你望住我地做咩？？？？b) 食到一半個壽喜燒鍋就嚟乾塘，叫個後生女侍應幫我地加水，跟住個中年女侍應見到就話：“呢啲應該客人自己加。”我打咁多次邊爐都冇見過餐廳要客人自己加水🙂 問佢拎餐具/牙籤，又淨係會指俾你睇喺邊，但明明佢手頭上係完全冇嘢做緊，行兩步拎俾客人好難？真。自助餐想問我嗰10%服務費係俾緊啲咩？4. 好難食啲肉好韌……加咗$38嗌個龍蝦，本身已經好低期望，但嚟到見到真係呆咗，啲肉少過普通海蝦🙂5. 啲湯冇refill, 成間鋪得一枝牙籤🙂嘥咗超過$1000食垃圾，仲要搞到family day咁唔開心，真係好嬲😡唔奢求間嘢會改善，只希望佢快啲關門大吉，唔好再為禍人間🙏
繼續閱讀