港鐵元朗站 K 出口, 步行約1分鐘
繼續閱讀
營業時間
星期一至四
12:00 - 23:30
星期五至六
12:00 - 00:30
星期日
12:00 - 23:30
公眾假期前夕
12:00 - 00:30
以上資料只供參考, 請與餐廳確認詳情
食家推介
喺上面買完餸諗住落去食個好少少嘅午餐，點知極度中伏！..🚫🚫🚫肺炎期間千祈唔好去The sky bar 食飯，好易賴嘢！（或者你可以叫你極憎既仇人去🥶）🚫🚫🚫..❌首先，入坐明明有好多其他空位，但是應會將客人迫埋係一齊坐。（肺炎最忌人多）.❌第二，枱面上有棵假植物，輕度美觀，但是極多塵，肯定長年冇人抹過！（肺炎呀，唔抹下就收起啦😫）.❌第三， 唔洗杯就比下一位客人用！叫杯餐飲熱檸水，乜事？隻杯有唇膏印💄嘅？而家肺炎期間整啲咁嘅嘢益我？🥶..————————————————講返食物質素，自動更改餐牌既🤯.📍柚子醬油烤三文魚柳🐟，唔知點解上枱變咗凍肉舖最平嗰種白色龍利魚🐟？x! 🥴我師奶嚟，實知三文魚同龍利魚爭好遠喎🤯⋯.📍蘆筍蟹肉忌廉意大利飯🧆冇乜問題，好港式，好似食粥咁。唯一肯定係冇蟹肉。莫講蟹肉，假蟹柳都冇條。.📍煙三文魚田園沙律🥗唔知點解上桌無咗煙三文魚，變咗兩粒硬骨骨的石頭霉蝦⋯.📍自助餐部份（西瓜自助餐🍉）基本上冇嘢食的，我只係食到啲西瓜🍉，普通西瓜囉，唔差嘅。仲有未解凍嘅芝士蛋糕🍰，好似食緊芝士冰。見到仲有麵包布丁，不過好搞笑，冇嘢俾人舀既？可以睇，但食唔到🤷🏻♀️⋯—————————————————😡😡😡最後都要講返句：「x! 雖然平啫，但唔使咁嘛⋯」🥶話係半自助餐，但係自助餐部份長期空空如也，空蕩蕩，乜都冇。唔好講大話自己係半自助餐都好啲🙏🏻。🥱X! 早知食隔離間韓燒！😟
繼續閱讀
年卅晚團年飯，两口子唔想自己煮又唔想食中餐，稔起The Sky Bar💬（半自助午餐唔錯，請參本座之前食評）約1840去到，冇訂位亦可即入 1900左右滿座。 服務員禮貌說明每桌90分鐘。晚上環境都可以睇完3個餐牌，決定食豪些...點2個套餐： 龍蝦生蠔$298 & 安格斯牛扒$268🦞龍蝦生蠔有不同肉類配選，我選🐟（今晚三文魚), 有杯（紅/白）酒跟餐。 本人非懂酒，無評。生蠔海鮮拼盤生蠔2隻，其中一隻簡直瘦到暈另一隻正常囉（相比起）鮮味就唔覺，蝦蜆青口一般。主菜龍蝦有半邊＆三文魚一塊（~100克）🦞半邊以少少芝士焗，味道一般，蝦肉冇彈牙feel噃。🐟煎熟上，沒甚驚喜！薯蓉墊底，食一次都夠喇。 🐂話係 安格斯8oz 㗎！(但單據寫Striploin Steak)柯打5成熟，上桌馬上切開，熟晒肉汁有少少，咬落質地還可以啦！薯塊伴碟。（註：龍蝦亦可配牛扒，得4oz $298)至於自助沙律巴...與午餐大同小異，仍然保持水準，選择算多，補充亦快照片之外還有更多選擇的。甜點有幾款蛋糕，今晚多了豆腐花及熱辣辣芝麻糊（午餐未食過）埋單連10％服務費，$600多找數。一句：半自助午餐較好🤪
繼續閱讀
SKY Bar係我地中學班女仔會一齊翻賺賺零用錢，之後用大半份人工就去朗豪坊SKY Bar 食個龍蝦配牛小扒餐。仲記得個味真係好好食，牛扒係肉嫩多汁，而龍蝦就鮮甜味美。配上唔同既特色醬汁，真係一試難忘！今日同好朋友一齊係形點食晚餐，諗住食好小小，咁唔係OUT BACK 就去地下個層去SKY Bar 啦。咁就中伏了。叫左一份主菜：芝士焗龍蝦，特色香料牛扒。😻😽正題來了：一上枱心諗：牛扒咁薄，又油淋汙淋，但又唔似煎過喎。一食落去，油膩之餘，仲要係似茶記質素，冇牛味，有雪味，一陣牛應有既味都冇。醬似係自己開心配搭，左加加，右加加。Woooo… 唔襯個肉(已經唔想稱佢為牛扒)。龍蝦：我唔係佢係特別地用凍龍蝦加芝士俾我地，定係純粹未焗熱，就拎出黎俾我地。啲肉真係凍既，質素係700 蚊自助餐，可以任食凍盤既海鮮質素。芝士係有色，但識整野食既朋友都知道，可以係用火槍燒一燒就有甘既色水。埋單一份268加一，除左外籍既哥哥比較貼心有理過下我地之外，其他店員真係冇理我地架…..
繼續閱讀
近排香港嘅社會氣氛較差，大家都好大怨氣，難得同老公一齊放假，當然要輕鬆下，食返d美食調節下心靈！入到餐廳，樓底好高，外面有個花園，裝修得好靚，燈光昏暗，有d浪漫嘅氣氛我叫咗就芝士龍蝦併魚柳，今日係三文魚，煎到半生熟，唔會老，塊魚皮又脆卜卜，一d都唔腥，芝士龍蝦就唔算太鮮味老公叫牛扒餐，5成熟，肉質好淋，唔會韌，仲有牛味半自動餐當然要食多幾款沙律啦，又清新，又可以夠膩，不得不提嘅係龍蝦湯，好香濃，仲有粒粒龍蝦肉，飲咗幾碗啊！好高興的一個晚上
繼續閱讀
地點位於元朗yoho mall的地下，朋友介紹，第一次來吃！午餐揀一個主菜，沙律吧和甜品任食，餐湯任飲，我同朋友叫了肉醬意大利麵，覺得非常抵食！沙律種類算多，幾新鮮，又開胃，好健康，而且refill都幾快，喜歡吃沙律的人士不妨一試！我最喜歡蘋果西芹沙律，生果好爽，就好似剛剛切的一樣咁！甜品款式也不少，我喜歡抹茶蛋糕仔，我覺得這個甜品做得好出色，我是抹茶控🤣，似是宇治抹茶的味道，而且蛋糕好鬆軟，味道非常夾！主菜肉醬麫也不錯，超多肉碎😍整體來說：環境舒適，傾計一流，而且價錢平，非常抵食，限坐90mins,食物質素好
繼續閱讀