189
37
15
港鐵尖沙咀/尖東站 B1 出口, 港鐵尖沙咀/尖東站 N5 出口; Uniqlo樓上 繼續閱讀
營業時間
星期一至四
11:30 - 00:00
星期五至六
11:30 - 01:00
星期日
11:30 - 23:00
公眾假期
11:30 - 23:00
公眾假期前夕
11:30 - 00:00
付款方式
Visa Master AlipayHK 支付寶 現金 AE 銀聯 JCB Apple Pay 微信支付
座位數目
300
其他資料
酒精飲品
切餅費
泊車
電話訂座
加一服務費
室外座位
電視播放
球賽直播
以上資料只供參考, 請與餐廳確認詳情
食評 (288)
同幾個好耐冇見嘅朋友想食德國菜,㨂咗呢間就腳嘅德國餐廳,估唔到唔止一個待應服務態度咁差,食物質素亦相當麻麻,搞到我哋幾個都唔係好開心咁走。1. 侍應非常勤奮未到7點已經行咗埋嚟講不下十次八點前happy hour,係咁催我哋落單。有朋友坐低五分鐘被佢哋催咗一次,傾一陣計唔夠五分鐘由同一個侍應再催多次。明明傾緊計,亦都有兩位已經叫咗酒同食物,都仲係咁催,好似唔叫飲品唔可以繼續傾計咁。頭一兩次問要飲咩都覺得仲ok,之後覺得實在太煩。2. 尷尬生日慶祝可能呢間餐廳好出名幫人慶祝生日我哋唔知啦,食食吓嘢突然有員工扭到音樂勁大聲,播「恭祝你福壽與天齊」!聲量係大到聽唔到同枱講咩。咁有一枱當然好high咁慶祝啦,仲有位女士掛住餐廳提供嘅大金牌寫住「生日我大晒」以港姐式姿態繞場再上台影相,真係好鄧佢哋高興,但係唔知頭唔知路實在投入唔到,亦覺得十分尷尬。(同時繼續播緊「恭祝你福壽與天齊」)以為播完歌影晒相就完啦,原來未係!突然間音樂又扭到最大,播不知明語言版「煞科」(原唱鄭秀文,但真係聽唔明歌緊咩語言)。原來另一台又有人生日,又有人掛住個「生日我大晒」嘅大金牌繞場及上台。播完成首歌,繼續係最大音量,播下一位前度前奏,以為咁正播林家謙啦,原!來!係播尹光AI版!嘩!實在係太潮,好amazed一間德國餐廳咁創新。去到呢個時候已經因為傾計多次被打斷好冇癮。其實好多餐廳都會為客慶祝生日,有時隔離枱生日吹蠟燭或者唱吓歌仔嗰啲都覺得好有氣氛好開心,但播埋啲咁樣嘅歌,聲量咁大,仲要啲壽星掛住個牌繞場一周又上台影相,覺得有小小騎劫咗其他客人餐飯。3. 食物質素麻麻隻豬手啲肉腥嘅喂。酸菜得個死酸,整體食得落肚但唔好味。4. 侍應好趕住做所有嘢除咗上面提到係咁催落飲品,員工亦都好積極要收碟同杯,嘢未食晒就收,講咗想擺多一陣,碟嘢都未郁過又有人嚟收碟。而且唔止一位員工態度亦十分不友善,同佢哋講覺得收得有啲急,會串返話「咁啲嘢飲晒丫嘛,飲晒就要收架啦!」但係未飲晒架喎。總之,如果嗰晚好趕時間要走,或者好想生日嘅時候令其他人尷尬,或者想試吓唔好食嘅德國菜,或者想被侍應串下,呢間餐都滿足到所有要求架🫶🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2023-07-09
1473 瀏覽
今晚我哋一行七人去咗尖沙咀美麗華呢一間德國餐廳度食嘢。嚟呢度嘅交通都好方便。我哋就搭地鐵喺尖沙咀站落,再喺B1出口出咗之後行8-10分鐘就到了餐廳。我哋叫咗德國豬手 ,香腸拼盤,小食拼盤,四重芝士pizza,卡邦尼意粉,芒果乳酸汁,蜜桃乳酸汁,開心果雪糕蛋糕,同埋黑森林。德國豬手:侍應好好,會喺你隔籬幫你切埋先至上。豬手個皮好脆,味道唔會過鹹,好重膠質。香腸拼盤:佢有埋薯角。香腸好似有4款。最好食係最深色嗰條,辣辣地既。最唔好食係淺色粗粗哋嗰條,太林。整體水準一般。小食拼盤:有香腸,炸蠔仔,炸雞翼,炸魚同埋炸薯條。當中炸蠔仔同炸魚都乾咗啲。其他發揮正常。四重芝士pizza :估唔到好好味。個皮厚薄適中。個邊做到脆脆地嘅效果。好多芝士。份量亦都好夠,有成12舊。卡邦尼意粉:味道唔錯。有隻半熟蛋可以撈埋啲意粉。但略嫌份量爭啲。芒果乳酸汁,蜜桃乳酸汁:開胃解膩,消暑一流。黑森林蛋糕:蛋糕做到好有水份,濃味。鍾意食傳統黑森林蛋糕嘅朋友就啱喇。開心果雪糕蛋糕:冇諗過咁好食。有開心果粒喺入邊!埋單大概$1900 (會員85折後) 繼續閱讀
(以上食評乃用戶個人意見 , 並不代表OpenRice之觀點。)
等級4 2023-06-30
1431 瀏覽
見到尖沙咀帝樂-德國餐廳有半自助午餐,而且價錢一啲都唔貴,所以今日同閨蜜去享受一下🩷Lunch Menu 包自助沙律吧同一款主菜沙律吧嘅種類非常多,有各式各樣唔同嘅蔬菜、沙律、肉類,仲有粟米湯德國腸、蛋餅、炸雞、火腿、串燒雞髀菇、pizza我係一個肉食愛好者,頭盤當然全部都係肉類😆德國腸非常juicy,一口咬落去爆汁,推介芝士司華力腸,香濃嘅芝士呈溶化嘅狀態,非常邪惡🤭蛋餅內加入蘑菇及洋蔥,入口軟綿,充滿蛋香炸雞新鮮熱辣辣,外皮仲係脆卜卜,真係食唔停口雞髀菇爽口內裏軟稔,加上燒烤醬調味,大大提升咗菇類原有嘅鮮味烤安格斯西冷牛扒配薯角及時菜5成熟,牛肉味濃,口感軟稔亦冇筋,以呢一個價錢能夠食到呢個質素嘅牛扒,抵👍🏻朱古力蛋糕配芒果布丁朱古力蛋糕加入大量鮮忌廉同櫻桃,味道帶點酸,亦減低左蛋糕嘅甜度,兩者味道配合得剛剛好芒果布甸滑溜,加上芒果醬同芒果粒,一致認為非常好食📍帝樂 - 德國餐廳 (美麗華廣場) (尖沙咀)尖沙咀彌敦道132號美麗華廣場一期3樓302號舖人均消費:$200-250食物:⭐️⭐️⭐️⭐️環境:⭐️⭐️⭐️⭐️回頭率:⭐️⭐️⭐️⭐️ 繼續閱讀
(以上食評乃用戶個人意見 , 並不代表OpenRice之觀點。)
等級2 2023-05-15
2156 瀏覽
可能係星期一嘅緣故,放工19:15嚟到果時冇乜人。嚟到唔駛等可以即刻入座,而且成晚都坐唔滿,唔算太多人,所以都比較清靜好適合邊飲邊傾計。環境都幾乾淨舒服,好闊落空間感十足。Happy hour特價飲住啤酒傾計都幾好🍺侍應服務態度都好nice有禮貌👍🏻我哋4個人點咗3個菜。先叫左個什錦腸仔拼盤,腸唔會太鹹,味道啱啱好,食到好香肉味又惹味😋再叫咗個意大利螺絲粉,味道比較清淡。最後當然要試埋個德國豬手啦😎皮好夠脆,一開始食都覺得好香好食嘅~但越食就開始越覺得鹹,要不停飲啤酒😅整體嚟講中規中矩,都叫ok唔錯嘅。如果幾個人想飲杯野傾吓計依度都唔錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2023-05-11
1789 瀏覽
很久没和家人吃飯,剛好這個週末有時間,就和家人在帝樂吃午餐。食物非常豐富。首先,當然是吃沙律吧。菜,非常新鮮和爽脆,是非常健康的選擇,它的口感清爽,色彩豐富。作為前菜,令你食慾大開。德國鹹豬手,是一道非常出名和有特色的菜品,它的外皮烤得很脆,內裡肉質鮮嫩多汁,口感非常好。炸雞也是經典,這道菜的炸製技巧非常重要,炸得恰到好處的炸雞外皮酥脆,內裡肉質鮮嫩,非常美味。盤龍腸和德國香腸都是德國傳統的香腸類菜品,它們的口感豐富,味道濃郁,非常適合搭配啤酒享用。不只炸雞先配啤酒。Churro是一種西班牙甜點,它的外皮炸得金黃酥脆,內裡柔軟,甜度適中,非常適合作為午餐後的甜點。食物美味,家人共渡。這也真是一個美好的午餐回憶。 繼續閱讀
(以上食評乃用戶個人意見 , 並不代表OpenRice之觀點。)