影片
營業時間
今日營業
07:30 - 21:30
星期一至日
07:30 - 21:30
以上資料只供參考, 請與餐廳確認詳情
招牌菜
相關文章
食評 (49)
突然炸雞引起，近近地去KFC食吧，順便試下新口味。晚飯時段都多人等拎餐，好彩自助落單機又唔多人排喎。⭐台式三星蔥脆雞滿足套餐試新口味台式三星蔥雞，炸雞還好係熱的，皮夠脆肉也嫩，但個新口味好似某牌子嘅即食麵味粉，哈哈，下次都係食返巴辣雞得啦。仲加咗錢由葡撻轉做珍珠葡撻，珍珠確實係有咬口嘅，但驚喜不大，下次都係食普通葡撻㗎喇。個餐仲有蘑菇飯同汽水，又真係幾飽肚嘅。⭐巴辣雞腿包滋味盒朋友叫咗雞包套餐，包括薯蓉、薯條、飲品同炸雞一件，價錢上就幾抵喇，不過味道強差人意。個雞包唔知係咪做左好耐賣唔出，入面塊炸雞炸到又乾又硬，連嗰兩塊漢堡包都係硬班班，咬落去嗰下真係懷疑人生。薯蓉味道正常但微溫，薯條都仲熱嘅，但係發覺佢唔記得咗畀包辣粉，返轉頭問佢拎態度當然就好有性格啦，包辣粉都唔辣，落同唔落分別不大。意外驚喜係杯凍咖啡幾好飲，汽水就正常啦。間中食下ok啦。
繼續閱讀
是咁的，KFC曾經推出過阿華田葡撻，之前食過係好食既，所以見到佢人氣回歸就買左幾隻返公司同同事下午茶。點知同事食上癮，連續幾日Lunch都去食KFC，我就順便試下伏咁囉。① 麻辣口水雞排桶飯餐 $29桶飯餐一向都幾抵食，呢個桶飯有一塊炸雞扒，粟米以及兩個醬汁。將甜豉油同口水醬淋落炸雞上其實無乜違和感，因為食開黃埔間KFC都覺得炸雞唔夠脆，唔夠嫩滑偏乾身，加左醬汁反而較易入口。加上呢個醬少少辣，都幾惹味，撈飯幾唔錯。② 阿華田脆脆葡撻 $13$58/6個或者買其他食品加$10，價錢好似都無變，貴過普通葡撻，但我覺得呢個阿華田撻正啲。除左面層鋪滿脆脆，咬落仲有流心阿華田醬！見到我同事每日都食3隻就知咩料啦！不過都有另一個同事鍾意原味葡撻。③ Fing Fing薯條 $5呢個快閃價已經無左，其實推出薯條之後就無左薯格，人地出左咁多年Shake Shake薯條，口味又多，呢款卡真粉又幾好味，微辣帶香，幾似熱浪薯片，而薯條偏粗身，口感唔錯。.不過我成日覺得KFC食物質素好睇分店，公司附近呢間真係麻麻，之前食過早餐連鬆餅都唔夠鬆軟，炸雞就真係次次都伏咁濟。
繼續閱讀
食早餐，正，9點多人，依間等得耐d 。 腸有腸味 可樂有可樂味 包有包味。日日黎其實寫kfc食評既人係咩心態😂😂😂😂 下次我會寫 m記/大家樂。 可樂好好飲😂😂😂
繼續閱讀
喺黃埔附近行下街…最後一站行到聚寶坊…已經體力透支喇…想搵個地方坐低咬少少嘢…見到kfc咁多位就入去坐啦…呢間分店座位都算乾淨…而且都唔係好多人…我哋決定叫兩個下午茶餐順便坐低抖抖…好耐冇食過kfc…估唔到而家下午茶都ok抵食喎…26蚊叫咗個巴辣香雞翼餐(惹味依然但偏細隻), 有一盒普通蘑菇飯(蘑菇汁水準正常但飯偏硬) ，兩件巴辣香雞翼，一杯百事可樂，一件經典葡撻！！ 對於唔係好肚餓嘅我哋嚟講…呢個下午茶都算夠食丫…
繼續閱讀
今日用KFC app入面嘅優惠券買咗個$60二人套餐。套餐包四件雞、兩碗細飯、薯格同埋兩杯嘢飲。雞來講我覺得比平時失色左，啲皮炸得有少少乾，肉亦冇之前咁嫩滑。兩碗飯就正常。薯格食落唔脆，可能擺耐左。另外覺得驚喜就係KFC嘅凍檸茶都幾好飲，糖係另外加嘅，可自行調節甜度，唔錯。
繼續閱讀