13
1
0
港鐵鰂魚涌站 B 出口, 步行約4分鐘
繼續閱讀
營業時間
星期一至五
08:15 - 18:30
星期六至日
全日休息
公眾假期
全日休息
以上資料只供參考, 請與餐廳確認詳情
食家推介
相關文章
係附近番工，經常幫襯佢，午餐3餸飯，住家味道，健康，可以轉麵底。每次食到飽到反艇，認真抵食。仲有個雞蛋仔，食一底可以飽晒，加幾蚊仲可以有其他味道，比其他舖頭相對平～老闆好人又健談又同路，好不幸聽到壞消息，做唔住，做多幾個禮拜，希望大家去打打氣（認真失落）
繼續閱讀
📌 兄弟小食📍鰂魚涌英皇道846號民新大廈地舖朝早嘆個蛋牛治，充滿能量開工🤣 三文治新鮮製作，即叫即製，需時大約10至15分鐘左右，拎上手暖笠笠！雞蛋好厚，明顯見到鹹牛肉；麵包搽滿牛油🧈，咬落充滿鹹牛肉、雞蛋、牛油不同嘅層次。如果麵包烘過會更好。味道：✦✦✦✦✧環境：✦✦✦✦✧服務：✦✦✦✦✦衛生：✦✦✦✦✦價錢：✦✦✦✦✧人均：$18
繼續閱讀
港式街頭小食有好多，燒賣、魚蛋、煎釀三寶等，而最飽肚嘅一定係格仔餅！傳統格仔餅就係加牛油、花生醬、煉奶及砂糖一齊食，雖然罪大惡極但都會忍唔住心思思想食，但坊間好食嘅格仔餅真係唔多，而重點要即叫即做，一早整定嘅就要out，而「兄弟小食」嘅出品真係本人嘅top 3！格仔餅 $22即叫即製，所以記得要預時間。格仔餅拎到手熱辣辣，最緊要餅皮香脆，香濃蛋味夾雜花生醬、煉奶等，邪惡但滿足，所以間唔中都會突然想食！另外仲有榛子醬味格仔餅供應。燒賣+魚蛋 $18港式小食點可以唔提呢兩位，揀咗加咖喱汁，咖喱汁又香又辣，燒賣唔會蒸得剛剛好，唔會太腍；魚蛋用陳皮魚蛋，鮮魚香中有濃郁陳皮回甘味，好味道！
繼續閱讀
行開鰂魚涌，咬返底雞蛋仔🔥🔥呢間雞蛋仔食特別味道只係貴原味$4，比起其他都有呢類型雞蛋仔嘅舖頭算係幾抵👍🏻👍🏻但係由於我今朝已經食咗嗰 Mr Rabbit Baking Lab嘅朱古力Bagel，打爆左我一日嘅Baked Products Quota🤣🤣🤣所以雖然口痕又心癢，都係食原味啦💕一拎上手忍唔住第一時間拉低口罩咬一啖🐽🐽🐽一如既往脆卜卜🥰幸福嘅味道順帶一提，三文治🥪都正，有熱辣辣蛋牛，推薦👍🏻👍🏻午餐時間好多人黎買飯，炒蛋係即刻煎幾有心機💪
繼續閱讀
成日搭車經過見到依間店舖 今次終於趁行完山 順便去一去依度 位置好易睇到作為燒賣愛好者既我 當然頭號選擇係燒賣 價錢比想像中抵 $10有7粒 最最最緊要既係 依度既魚肉燒賣係真·魚肉燒賣 而唔係粉黎 咁既價錢 真心抵味道方面 上網睇啲人評價係麻麻 可能我幫襯既時間尚早 燒賣係岩岩整好冇耐 所以都冇評價講既焗時間太耐林哂既問題 重點係啲醬油 係甜醬油黎 配搭起上黎係絕配 食飯時間都幾多人排隊 因為是小店 所以時間要等一陣 但整體黎講 係值得一試既
繼續閱讀