2
3
0
開飯介紹
來自日本廣島的拉麵店，主打濃厚湯底及自製麵條，配上灸熱叉燒，味道令人回味無窮。
繼續閱讀
營業時間
星期一至日
06:00 - 00:00
以上資料只供參考, 請與餐廳確認詳情
相關文章
平時經開夜晚條龍長到驚，咁岩今次四點幾五點經過唔駛排兼無乜人，就試下有乜咁好食灸燒豚肉豬骨拉麵(走蔥走荀)湯底好濃厚但唔‘傑’，不過我中意再熱d(可能冷氣大,吹兩吹好快變常溫)麵係幼身既，可以自由簡軟硬度，我簡左硬麵。我本身唔中意食幼麵但煮硬身少少又幾好食。豚肉好味，肥瘦適中。另外加左十蚊要碟栗米，好大碟，撈埋落去麵度食好味道值得一提既係餐廳有用心裝修過想還原日本風味，下次都撞岩唔駛排會再去下次試呢個
繼續閱讀
🐷辛辣炙燒豚肉味玉拉麵(小辛)🍜$88終於返黎香港啦！之前經過都見到有人排隊今日就去試呢間拉麵店🙈拉麵的賣相係幾靚😍有一塊豚肉，蔥，辣椒同一隻糖心蛋配料💕湯方面比起其他拉麵店冇咁濃顏色比較淡落單時我選擇了硬麵，但結果同普通麵冇分別😅炙燒豚肉，睇到肉有好明顯嘅分隔一層層肉同肥膏🐷豚肉燒得唔會燒得太燶分量方面都正常都食得好飽😂可能因為湯同豚肉比較膩🐷🐷Overall: 7/10 霸嗎拉麵 (尖沙咀)尖沙咀金巴利道26號地舖instagram: hkfoodie_bae
繼續閱讀
西九龍站的霸嗎拉麵開喺站內food court,menu亦跟返food court其他餐廳嘅format,每間餐廳一律只有4款套餐選擇。比起出面嘅分店少好多選擇。每款套餐都跟4隻炸餃子同一杯熱飲，價錢由$88至$98不等，站内員工優惠85折。開站了一段時間，到十一月頭先有機會試食，本身無試過霸嗎拉麵，所以抱著期待心情一試。food court入面有幾張屬於霸嗎拉麵嘅大枱，上面有印有霸嗎拉麵嘅日式簾，令食客感覺自己係喺拉麵店入面食緊，但因為我哋唔想同人搭枱，所以冇坐到嘅。我叫咗辛辣炙燒豚肉味玉拉麵，同事就叫咗雞叉燒雞白湯味玉拉麵。塊炙燒豚肉係厚切，一半肥一半瘦，瘦嗰邊燒到有少少太燶，變咗食落有啲乾。本身唔係話好食得辣，舊豚肉上面嘅一小坨辣醬撈咗落碗麵之後都少少辣，不過都接受到。碗麵整體嚟講都有啲鹹。隻溏心蛋個黃都唔算太流，有一部分係已經熟晒好似烚蛋黃咁，所以都有啲失望。同事都覺得整體麻麻地，又唔係難食，但唔係好食。如果唔係有員工優惠， 就真係唔係太抵。不過可以返工都近近地有得食碗拉麵，都算係咁啦。
繼續閱讀
最近拉麵店新熱潮係港九新界都開咗分店嘅霸拉麵，今日終於試到咁有霸氣嘅拉麵店。位於尖沙咀嘅霸嗎拉麵果然係人氣急升，下午三點店舖門外大排長龍，不過見到條龍不斷移動，都算幾快有位，所以都決定排一排隊試食。其實都只係等左15分鐘就有位，人流幾快！今日試咗佢哋鎮店之寶—濃厚豬骨豚肉玉子拉麵、辛辣檸檬豚肉拉麵加玉子。再叫咗一份羽根燒餃子。店舖免費供應凍檸檬水，餃子上枱好吸引，一邊煎得香脆微焦，食落去仲有肉汁。我嗰本豚肉拉麵到咗，先試下佢個湯底，味道濃郁，拉麵爽口彈牙，麵質真不錯！再試個招牌豚肉，係慢煮厚切嘅豬腩肉，入口即溶，正！老婆果碗辛辣檸檬湯底味道好特別，酸酸辣辣，有啲似冬陰公嘅感覺！總括而言，咁多人排隊，絕對唔係浪得虛名，無論麵質、湯底及豚肉也是有質素嘅！
繼續閱讀
霸嗎近一兩年發展較為進取，擴展了幾間分店，加上在OpenRice拿了2018年優秀熱店大賞，人氣一時無兩。單在尖沙咀區，加拿分道分店晚上總有人在排隊，而姊妹店風雲丸又在麽地道K11附近開分店，西九龍高鐵站亦是得霸嗎是唯一有座位的日式食店代表。西九龍高鐵站剛剛營運，雖然目標使用人數與實際有頗大落差，但是旅客一車車來生意亦並非太壞。西九龍高鐵站有幾間獨立食店及一個美食廣場，美食廣場位置在票務大堂樓層及抵港大堂樓層之間，的士等候處隔鄰。霸嗎是廣場內五間特色食店之一，廣場內座位約有二百個，雖然有幾組座位掛了紅色霸嗎掛布，但基本上可以任坐。五間特色食店共用一個收銀處，可以用現金、八達通及支付寶等支付。霸嗎在這裡只提供四款麵食套餐，包括濃厚豬骨豚肉紫菜味玉拉麵、辛辣炙燒豚肉味玉拉麵、雞叉燒雞白湯味玉拉麵以及雞叉燒辛辣雞白湯拉麵。每個套餐還附加煎餃子及飲品。選擇後會收到一個電子呼喚器，食品準備好就會閃燈鳴叫，顯示的字體是繁體。廣場內的取餐處有兩個，分為A及B，取餐處只會處理飲品及提供餐具，廚房卻在另一處地方。我見到有趣的地方是當廚房煮好食物，需要放入運輸車內，然後廚工推車推一段路才到取餐處，約需兩三分鐘。我點選了雞叉燒雞白湯味玉拉麵套餐，大約六至八分鐘便可以領取，快得有點奇怪，有可能當時是晚上十時，廣場內食客十多個，我是唯一一個食拉麵吧。雞叉燒雞白湯味玉拉麵份量十足，一個大男人肯定夠飽肚，特别是兩塊雞叉燒是特厚片，啖啖肉但味道一般，味玉較大隻內心蛋白層亦厚，整體口感一般，最大問題是雞湯不夠熱燙，雞香濃感覺似喝雞精味温水。煎餃子有三隻，吃下去是即煎，但餃子的餃皮仍是脆口的，口感錯餃子仍熱，但內感覺較乾。香港機場又好，車站又好，設在這些地方的拉麵店大多能要求水準高，只要夠快夠飽肚，售價不能太離譜，不過這樣的水準，能夠給內地旅客嚐到霸嗎拉麵應有的特色嗎?
繼續閱讀