影片
電話號碼
66573268
營業時間
今日營業
07:00 - 20:30
星期一至日
07:00 - 20:30
以上資料只供參考, 請與餐廳確認詳情
同事推薦：難得同事齊齊收工，立即飛的入去食好嘢。 天氣涼涼就坐係露天枱，環境闊落，乾淨又唔迫，like👍！3個人一坐低同事立即叫：菠蘿生炒骨（同事嚟親必食）、香辣軟殼蟹、薑蔥粉絲海蝦煲、再嚟個肉粒蝦乾芹蘭煲。。。。樣樣都相當吸引及惹味，最緊要係有濃濃嘅人情味，一定要多多入去試埋其他好菜式，真心值得推薦俾大家！言談之間，聽老闆講嚟緊嘅營業時間將會提早收夜晚8:30，由於生意真係麻麻，燈油火蠟等雜費，只可以一步步改變咁維持落去，聽到咁講個心真係不是味兒。希望香港優質良心好食肆可以多人認識、多多人幫襯、更多人支持！
繼續閱讀
自從人氣的 "水井坊" 光榮結業後，井頭村一帶頓時失去了一個舒適的聚腳點。不過，過了一會，我們發現同一地點正在裝修啊。冇幾耐就開了這一間《井頭滙》，繼續以茶餐廳形式，服務西沙、十四鄉一帶。早兩個月前，一家人開駕著車子，要想想有什麼地方可以方便泊車兼食飯，既然附近的鄉村茶記都食過晒，咁就一於來井頭，試新野。 方便分給阿女食，所以我點了一客滑蛋叉燒飯。出來的飯餐果然是滑，半熟的蛋，切到好細件的叉燒。這可以說是一個老少咸宜飯。味道足，蛋汁夾著叉燒，是絕對的香滑，大人小朋友都很滿意。太太點的羅漢齋炒麵，用的大都是新鮮蔬菇，豉油茨汁又打得夠好。茨汁同脆脆的麵底混合了，味道香口，因為汁不是多，不會浸到炒麵淋晒，吃起來仍然啖啖爽脆香口，非常之好。我同兩個小朋友分的，仲有這一碟干炒牛河。很多牛肉，色水也好靚，而且看得出這碟干炒牛河好好鑊氣。洋蔥夠熱而且是半熟，亦增添這干炒牛河的香口感。濃濃香香，令人吃不停口。奶茶，我同阿仔來了一凍一熱的。奶茶，我既評分就一般般啦。茶的色水好似好濃，但實際上唔係幾夠味，奶又落得唔係幾夠。如果茶是濃濃的，這茶一定會很苦澀。檸茶OK，OK的原因反而就是因為那唔係幾夠濃的茶底。茶味沒有蓋過檸檬味，算是可口的一杯。感覺上，同上手的 "水井坊" 唔係差太遠。新的《井頭滙》比較多中式的炒粉麵，算是令人感覺開心左的原因。亦因為咁，這餐廳，依然人氣。
繼續閱讀
係朋友介紹下，知道西沙井頭村有間私房菜幾好食。昨晚有朋友生日，就入去試下並且慶生，點知有驚喜！佢個黃金鮮魷好好食，用鹹蛋黃炸漿包住鮮魷來炸，好正！我地又叫左水煮魚、酸菜魚，呢兩個又係好味，水煮魚入面d薯粉超正！我地仲點左其他幾個餸，有小炒皇、脆皮咕嚕肉、啫啫生菜、麻醬蝦球、欖菜四季豆肉碎炒飯 (呢個忘記影相)、海鮮炒飯... 樣樣都好得另外，佢地有自家制甜品，昨晚我地點左幾件餅試，唔太甜好好食！仲有，服務員個個都好熱情款待，招呼一流 !
繼續閱讀
襯就嚟夏天，決定出去玩水朋友相約咗去西貢餐廳出邊有out door, 氣氛感覺良好我鍾意佢有個花園嘅感覺啱晒我哋成班打卡用食物款式比較貼地椒鹽豬扒飯豬扒入口鬆軟多汁，少許微辣，剛炸好的豬扒肉汁豐富。尖椒肥腸飯如果處理不好的話，會有點臭臭的味道但依到既又真係煮得幾好，肥腸軟糯Q彈福建炒飯食材非常豐富，米粒炒得均勻。菠蘿冰呢個天氣飲菠蘿冰真係透心涼，感覺唔會死甜紅豆冰紅豆唔會太硬，但係如果紅豆再重啲就更好雖然係主打茶餐廳嘅食物但係Service一啲都唔差下次可以同朋友嚟西貢再過嚟多次
繼續閱讀
今日同一班三五知己到井頭滑水🏄🏼♀️朋友介紹下來到井頭滙吃個午餐🥣再出海🏄🏼♀️朋友介紹井頭滙不單止有午餐🥣呢度環境舒適😎坐得舒服😎夠曬Chill😎去到晏晝仲有美味的甜品🍨因為時間尚早🕥所以不能品嚐甜品🍨只好成班朋友分享不同的食物🍛🍲雖然係簡單茶餐廳的餐牌📜但係食物出色👍🏼而且比平時的茶餐廳更有鑊氣🥘以下是我覺得餐牌較出色的午餐⬇️⬇️⬇️👍🏼椒鹽豬扒飯🐷豬扒夠鬆軟👍🏼🥩食落咬感咁一流👍🏼🥩朋友仲忍唔住額外叫多一塊豬扒自己品嚐🙈🥩呢度嘅椒鹽🧂能夠做到連豬扒🥩融為一體送飯一流🍚🥩👍🏼尖椒肥腸飯🐽唔係每一間茶餐廳都有😍鍾意食肥腸嘅你必定要試😍👍肥腸夠肥美🐽尖椒煮嘅汁辣度適中🫑任何人食也不怕😋福建炒飯🍛炒飯做得粒粒分明🍛福建炒飯既精髓最重要既汁做到濃味得來一啲都唔咸👍🏼🍛😍唔係每一間茶餐廳都做到🍛呢度就可以食到😍😋仲有特色飲品菠蘿冰🍍紅豆冰🍧鹹檸七🥤依家唔係好多地方都會有菠蘿冰同紅豆冰🍍🍧飲完兒時回憶湧現🥰紅豆冰奶同紅豆溝得恰到好處🥛🍧👍🏼菠蘿冰唔會太甜🍍菠蘿唔會得幾粒🍍足料🍍鹹檸七鹹檸夠新鮮👍🏼🥤因為之前來過井頭食午餐，當時井頭滙還在裝修，只好去旁邊的茶餐廳用膳，當時旁邊的餐廳十分難食，而且員工沒有禮貌，令到不開心經歷🥲所以開頭抱着平常心太過來井頭滙用膳😄但有驚喜😋而且員工每一位亦很有禮貌🥰滿足🥰今朝仲忍唔住入嚟嘆番個早餐🥣再係到Chill下😎呢度嘅早餐仲可以轉福麵🍜😍唔係好多間都可以轉福麵🍜😍即轉😋🍜以後朋友來滑水也會叫他們來井頭滙用膳😋
繼續閱讀