83
6
6
| 餐廳: | 樹屋 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
營業時間
今日營業
10:30 - 21:30
星期一至日
10:30 - 21:30
公眾假期
10:30 - 21:30
以上資料只供參考, 請與餐廳確認詳情
食家推介
相關文章
好耐冇去過AIA嘉年華啦🎡 今次同Queenie一齊去玩！去玩之前就梗係要去食吓嘢啦🙈 我哋就去咗附近嘅tree house食dinner☺️呢間餐廳唔單止味道好好，仲有好多素食選擇！而且餐廳嘅環境好似森林咁，好舒服！🌳佢嘅森林漢堡套餐真係好吸引！入面有番薯薯條🍟、沙律🥗同埋Lemonade🍋！好豐富！特別要講下佢嘅森林漢堡！入面嘅材料包括紅菜頭同烤蘑菇漢堡扒，配上茄子沾醬、烤燈籠椒同蒜蓉醬！🥰 真係冇想到咁素食嘅漢堡竟然可以咁好味！食落就好似食緊真嘅漢堡扒咁！😲仲有佢嘅雪松沙律碗，入面有牛油果🥑同南瓜🎃！個底一半係羽衣甘藍沙律，一半就係雜穀米飯🍚！食落健康又營養！真係好開胃！🥗最後仲有甜品！朱古力粒曲奇🍪！一定好好味！完美嘅結尾！🍫服務員都好友善！我一定會再去Tree House搵食！😋總括而言 (5個🤎係最高)好味指數 : 🤎🤎🤎🤎🤍服務態度 : 🤎🤎🤎🤎🤍環境打卡 : 🤎🤎🤎🤍🤍回頭指數 : 🤎🤎🤎🤎🤍📍樹屋 (中環)🏢 中環砵甸乍街45號The Steps ‧ H Code地下1號舖🕗星期一至日 10:30 - 21:30 #中環美食 #中環必食 #食好西 #美食 #hkfood #likeforlike #instatravel #latergram #hktravel #photooftheday #traveling #yummy #travelhk #followforfollow #hkig #hkdating #pleaselike #hkfoodie #bestfoodhongkong #coffeehk #hkcafe #hkrestaurant
繼續閱讀
今日有事要嚟中環辦，上網睇下附近有乜嘢素食餐廳，見有人推介砵甸乍街呢間「樹屋Treehouse」〜〜餐廳採全開放式佈局，店內裝潢簡潔，燈光通透明亮，廚房及餐區均一目了然，可清楚看到廚師們即席炮製美食。餐廳以全植物飲食為概念，菜單只提供全天然食品，完全不含防腐劑、精製糖、反式脂肪、大豆分離蛋白、漂白麵粉等加工食品。我哋點咗👇Margherita 瑪格麗特酸種薄餅 ($118) Pizza 即叫即做，以酸種麵糰製作，批底又薄又脆，素芝士綿密細滑，軟得嚟又帶點口感，配上羅勒葉同番茄醬，味道非常清新。Fried Cauliflower 炸椰菜花 ($78) 椰菜花外皮炸至香脆，內裡煮得夠淋，可以食到蔬菜本身嘅甜味，沾少許中東芝麻醬吃，入口濃稠滑順，帶陣陣堅果香。Snowdrop 沙律碗 ($88) 沙律碗用料好豐富，內有西蘭花、椰菜花，炸茄子，沙律菜，羽衣甘藍同三色藜麥等，所有蔬菜都好新鮮，藜麥飯含豐富膳食纖維及碳水化合物，有營又健康。Double Chocolate Walnut Brownie 核桃布朗尼 ($50) 布朗尼賣相好吸引，面頭鋪滿合桃同朱古力粒粒，質感濕潤柔軟，入口不甜不膩。
繼續閱讀
放工後跟男友到中環行下，意外發現呢間散發鮮綠色光芒的餐廳，於是入去試試入到嚟覺得好modern，似係有好多野食揀知道呢度食素後，我地都幾開心，因為呢排肥左，都想食得健康啲韓式雜糧沙律Bowl $151呢碗沙律bowl都幾特別，因為只有中環呢度先供應太陽蛋。配料仲有煎豆腐、醃蘿蔔絲、醃黃瓜、泡菜同發芽綠豆；而因為加左雜糧，有糙米、紅米、藜麥同小米4種，淋埋韓式辣醬，味道酸辣酸辣的，好有層次，口感亦都好豐富。Orchid蘭花沙律Bowl $88呢款沙律叫蘭花，真係Bowl如其名，配料有醃紫洋蔥、羽衣甘藍、羅馬生菜同牛油果，顏色鮮艷，食起嚟都好清新爽甜。因為係half & half，所以一半係雜糧，另一半係薄麵包片。而醬料係腰果醬，質感沙沙的，有啲小粒粒，好creamy。Flatbread Chips薄麵包片 $60呢款薄麵包片好特別，用嘅係全麥酸種麵包，加上店家特製的香料，所以食起嚟香口得嚟又感覺健康啲！配埋鷹豆醬，味道濃郁，更加滋味！不過我自己就覺得油左少少，一盒對兩個人嚟講多得濟生薑檸檬草茶 $45呢款茶被男友大讚，我地冇耐前都喺第間餐廳點呢款茶，但佢覺得呢度好飲好多，有種好清幽雅緻嘅感覺。佢每飲一啖，都要讚一次xD
繼續閱讀
Tree house 係一間素食主義餐廳，呢間中環分店，環境十分寬敞。適合各個喜歡健康食物嘅人士嚟。入到店內，見到有各式各樣唔同嘅健康素食，材料樣樣新鮮。當日點了pizza，新鮮嘅蕃茄醬配上薄薄嘅餅底，加上新鮮嘅菜葉，味道濃郁新鮮，口感豐富。另外，亦點了唔同嘅蔬菜碗，呢一個望起嚟就同炸雞一樣的，其實係炸椰菜花。椰菜花炸起上嚟十分香口，而且有調過味，令到味道香濃。配上好多唔同嘅橄欖同埋酸菜，食令到整個蔬菜碗有唔同嘅味道。另外一個蔬菜碗，就有滿滿嘅西蘭花同埋椰菜花，而且有藜麥同埋其他蔬菜，相信任何一位人士，包括男士，食完呢個蔬菜碗都會十分飽肚。一改大家認為素食會令人唔飽嘅印象。一個完美嘅午餐點會冇甜品呢？呢間餐廳亦都有素食嘅甜品選擇。當日點了朱古力Brownie。朱古力味香濃，口感實在。令人回味無窮。最後，不得不提餐廳亦有提供不同嘅健康飲品，任君選擇。大家記住嚟一試啦！
繼續閱讀
今日要同大家分享一間位於中環嘅餐廳——Tree House。呢間餐廳以提供健康、營養嘅素食餐點為主打，菜單上有好多款新鮮嘅選擇，包括以下幾款：首先，我要講下佢哋嘅「Musella地湧金蓮沙律碗」。揀咗Regular, half grain & half salad. 呢個碗沙律有雜穀米飯同雜菜沙律，Spiced tofu, long beans, roasted mushrooms, pickled cucumbers, miso sauce絕對係一個營養豐富嘅選擇。雜穀米飯食落香口，配上新鮮嘅蔬菜沙律，味道清新又開胃。Tofu煎得好香，好有台灣夜市嘅味道，mushroom都好好食。Regular size for 女仔都好飽。另外一款特別推薦嘅菜式係「Bibimbap Grain Bowl 韓式拌飯」。呢個碗拌飯有韓式風味，飯粒係糙米，有紅蘿蔔，fried tofu, pickled cucumbers, 配上各種新鮮嘅蔬菜同招牌醬汁，味道豐富又有層次感。值得一讚係拌飯真係有韓式嘅味道，紅蘿蔔極重麻油香味，醬料都係韓式風味，同個飯撈起身好夾，好食推介。呢個份好大，男仔都一定夠飽。特別推介「Sourdough Flatbread Chips 酸種薄餅脆脆」，係出奇地好食！呢款小食以酸種薄餅製成，烤得香脆，口感輕盈。你可以沾埋自家製嘅醬汁Hummus一齊食，味道酸甜開胃。飲品揀咗「Ginger Lemongrass Tea 香茅薑茶」。呢杯茶以香茅同薑煮成，味道清香又有一絲辛辣。佢有助於消除寒氣同促進消化，。總括而言，餐廳提供健康嘅素食美食。食物質素高，價錢都相宜，不時detox 清下腸胃都幾唔錯。
繼續閱讀