42
20
9
以上資料只供參考, 請與餐廳確認詳情
相關文章
一家三口到了廸廸尼過了一個超愉快的週末日，真有點樂不思蜀的感覺....最後卒之要返回現實了。經稍事休息過後便要驅車回家。回家前拖著疲倦的身體，在尖咀一帶下車先醫肚後才再轉車回去....下車的地方就正正在這裡的樓下。不及細想，就拖著行李走了進來開餐....一人匆匆來一份午餐。小友由於太睏的關係所以只吃了少許便投降。最後小弟一個人便獨食了一份半的餐，肚子真的飽得很....小弟點的熱鴨湯稻庭烏冬，湯嚴格上是一點都不夠熱的，不過下了大蔥的它甜度倒是夠；鴨肉稍嫌弄得太熟致有些柴嚡又縮成一團，水準實是令人太失望了....冷吃的烏冬同是雪得不夠冰涼；韌度亦非常一般....茶碗蒸沒有過老，還可以....太太給了我一點醬燒雞肉試。肉雖是不韌的但差在嚐到有雪味的存在。就算舖上了濃甜的醬燒汁也掩蓋不了....試了一件放在左上角的"醃菜"，竟驚覺是一點酸味也沒有的，就連鹽也不多下，越發吃至人口淡淡....至於小友的滑蛋豬扒呢 ? 感覺上是三者中最正常的 --- 蛋汁內由於有大量洋蔥同熬的關係故此甜味就夠足；豬扒肉不韌而外皮也沒因有蛋汁浸著而變得太軟。配合白米飯來吃的話自然就要清碗....水平不甚了了的一餐。心想這也應是最後一次來這裡了....豈之真的一語成讖....走時看到門囗貼著這一張告示....這一趟，真可說是後會無期了....
繼續閱讀
去完太空館！要搵地方醫肚！鍾意日式餐廳通常好坐！而且有餐具比小朋友！呢間定食多！仲有兒童定食！所以有時食物之外！仲有好多原因影響我揀一間餐廳！尤其做咗媽咪之後！太迫太窄嘅餐廳啊會考慮！一坐低大人送上茶！小朋友送上暖水！已經知道細心！我叫吉列雞扒配熱烏冬：吉列雞扒外脆內軟！吉列皮好鬆！點日式酸甜醬好味！椰菜絲新鮮清甜！熱烏冬煙韌，配海帶食可以解吉列油膩感！最後係分大半比了肥髀！因為好味！但個定食前菜就唔得！白蘿蔔好辣！係喇口嘅辣！食唔到！而另外兩樣就正常！肥髀叫蛋包飯兒童餐：肥髀食晒！配蘋果汁！仲有份玩具！小朋友點會唔鍾意？不過我覺得飯面醬料多得滯！個薯茸我食咗少少！好味！日式餐廳廁所一定乾淨！兩個人尖沙咀食餐午餐都係$160！好合理！
繼續閱讀
兩年無食大戶屋，當年食過嘅銅鑼灣分店，而加都執左。今次再去食，一啲都無退步！六點倒去到，無咩人，仲諗住公眾假期會好多人添。有飯有麵，點會唔飽！個雞排炸得非常香脆，美味！個蕎麥麵夠哂凍，彈牙，夏天食超正！香噴噴嘅豬排鍋，好吸引呀！個汁非常惹味，撈飯一流，好香嘅蛋同洋蔥味。補一句，可以免費添白飯一次xd 啲豬排吸哂啲汁嘅精華，非常回味。 大戶屋依一類高質素中位價嘅日本餐廳真係好少見，甘岩隔離仲要坐左枱日本人，好有feel, 下次想食日本野一定會再黎！
繼續閱讀
星期五在尖沙咀吃晚飯到處都分時段，祇限吃90分鐘，大户屋近地鐵站，上次在荃灣店吃，食物不錯，價錢合理，就選它吧。店在一樓，頗大，日式裝修，雅潔。我們本坐在近樓梯的卡位，但旁邊有大燈箱，强光刺眼，必須換位。六時三十分: 我們三人已很守規準時入座，打算待友人到才點東西吃。六時四十分: 已被禮貌提醒，「快七點了(???)，點東西吃嗎？」，惟有乖乖就范，先點的是: 烤雞扒拌沙律: 雞扒份量不小，烤得很香，菜也新鮮爽脆。燒花魚定食: 沒在荃灣吃的大條和充滿油香，不過不失。三文魚魚生: 六薄片沒甚味道盛惠六十元。六時五十分: 朋友裙拉褲甩趕至，急加三文魚壓壽司: 八件四款味，有輕炙的有加香草油的，賣相好，食味沒甚可談。串燒拼盤: 豬牛雞共六串，件頭不小，烤得也香。七時四十分: 「小姐七時四十分last order」， 如打仗嚮起警報聲，我們慌忙努力狼吞虎嚥。七時五十五分: 「小姐麻煩埋單」，咭一簽，久候的另一位waitress即衝前，三扒兩撥乾淨俐落杯碟筷子盡收，其實花魚還剩不少，我想一盡綿力不浪費食也無能為力，看着魚被送走。離開之際，竟有趕工完畢，身心疲累之感，決不再來。平心而論，大户屋環境不錯，食物還可以，以尖沙咀來說她的食物價錢是相宜的，員工服務殷勤，她也表明遊戲規則，祇限90分鐘，但當你吃一頓飯像做暑期工在工廠坐line, 不停被既文明又有系統的方法被催促，美味佳餚也變成沒味沒趣。故事未完，「趕完工」後我們到隔鄰pacific coffee 喝咖啡。今早方知四人中三人歸家都腹瀉，大家查究是誰家的禍，我開始懷疑是「趕工」導至精神緊張引發腹瀉。P.s. 相也因「趕工」，沒法拍攝，因之欠奉。
繼續閱讀
想食日本野做晚餐，又唔想食壽司呀放題呢d，於是跟住呀q踏上1a巴士去到尖沙咀，一落車就到大戶屋門口。2100到步，店面好大，但入面都只係坐左4，5枱人。我地可能坐大卡位。岩岩shop完屏，有個位放低一袋二袋真係唔錯，又可以同呀q坐得舒服d。呢度好似日本咁有籃俾客人放袋起地下唔怕整污糟個袋，唔係坐卡位既客人都有用。其實一路上黎已經俾d鱈魚既圖吸引左，呀q本身都話食鱈魚，但次次食日本野都係食鱈魚，今次試下食“魚花”魚，咁就中左招啦，佢只係一條普通既魚，早知食番鱈魚啦。另一個飯叫左吉列雞扒配沾烏冬，烏冬有d硬，箍緊牙既我食得有d費力，吉列雞外脆內滑，非常juicy，唯配菜唔夠甜，美中不足。我地另外叫左牛脷，好林好好味，一句講哂，好正。黎呢度食野都貴架，我地就住點黎食都埋單360，唔知點解openrice話呢度係41-100。
繼續閱讀