1
1
2
營業時間
星期一至四
09:00 - 22:00
星期五至六
09:00 - 22:30
星期日
09:00 - 22:00
公眾假期前夕
09:00 - 22:30
以上資料只供參考, 請與餐廳確認詳情
相關文章
見到有雜誌推介，呢間嘢好掂，所以試一試。上個星期， 阿仔話想食啲小食， 諗起暫時睇過呢一間，就去買一盒章魚燒。去到即叫即做，畀咗錢行個圈返轉頭就有得攞。 因為他在一田超市內，沒有即時打開吃，返到屋企先至食。打開見到賣相唔錯， 紫菜粉好多， 顏色亦都好靚， 點知一食落去，就知“中伏鳥”。 醬汁比較濃/鹹， 內裏只有粉團一舊， 完全冇章魚， 離曬譜...價錢唔記得36定38蚊，已經畀附近舖頭貴， 都唔緊要諗住質素ok就算啦。 但係點知完全中伏， 搵老襯 ，極之失望，絕對冇下次😡😡😡！！！
繼續閱讀
「はち八」是大阪章魚燒店「やまちゃん」的姊妹店，「やまちゃん」曾獲得米芝蓮車胎人推介最高分的殊榮，自然令人對這間「はち八」期望更高。首次於香港開設分店，選址大埔一田超級市場內，與日本人氣金奬炸雞店天下鳥一同開業，旁邊設有少量立食位置，透過玻璃窗可見店員密密炮製章魚燒。章魚燒共有六款選擇，亦可選擇雙拼。特色醬油味青海苔章魚燒 ($38)與一般常見的章魚燒有所不同，沒有大量沙律醬和燒汁等醬料，亦沒有舖天蓋地的紫菜及木魚絲，只簡單地淋上醬油並灑上青海苔粉，外表渾圓飽滿。新鮮燙熱的章魚燒外皮微微焦脆，呈流心狀的內餡加入山芋製作而成，口感軟糯而且豐潤渾厚，別具特色，不過餡料顯然不夠飽滿，咬開後隨即猶如氣球一樣洩氣；當中混有兩三粒章魚，份量不多但質感爽彈鮮美；美中不足的是醬料鹹度極高，當時亦聽到旁邊另一位客人都有所同感。無可否認這間章魚燒的質感未必人人喜愛，畢竟與我們自小品嚐的章魚燒大相逕庭，評價兩極亦是無可厚非，個人倒是甚為喜歡那種獨一無二的軟糯質感，但進步空間尚有，如若餡料變得更加豐富飽滿並降低醬汁鹹度的話分數絕對大大躍升，下次再嚐其他口味如明太子蛋黃醬及88特色醬，盼望能夠刮目相看。
繼續閱讀
又一過分吹噓的食物失望！！！本身是章魚燒控🍡因掛住大阪，so 專登揸車入大埔覓食，仲要等成半粒鐘位置喺一田超市入面，入到門口都已經聞到章魚燒味所以都唔太難搵。味道有六款，我哋梗係食大盛，同個日本人order 左 $78 混醬12粒（原味，蛋黃，海苔，明太子），一路等一路望住兩位阿姐整，粒丸都未成形就開始轉，一 pat pat 漿糊咁心知不妙賴嘢！大佬呀，有返咁上下出名就好心你哋請返個專業小小嘅師傅返嚟整啦好冇？！一係俾返個 training 啲產品推廣員（她們身上的名牌）啦！糟蹋了我親愛的章魚燒🍡🍡🍡個漿味道OK嘅，但材料就只有粒🐙加蔥，買$78 蚊12粒 就真係唔抵食囉。冇下次👋🏼👋🏼
繼續閱讀
琴日上網睇野,發現大埔一田開左間有得食章魚燒既舖,本住日本開過黎,難食極都有個點今日一早10點食完早餐就去左買,姐姐係到準備緊,話要等10分鐘先有,咁買左之後無睇住佢即整,出左去行左個圈先返黎其實返到黎都未得,不過已經睇到佢就整好.但個人睇到一樣未食前有D擔心既地方,個姐姐手法唔似係做左好耐章魚燒師傅,無上網睇果D快速手咁感覺上專業.不過到拎上手食落口果下就出事啦,呢38蚊.......好滿足.首先要同你地(觀眾)講聲,本人係以個人口味去評論.第一,以質素黎講以前或者開到依家未關門大吉重賣緊章魚燒既舖黎講,呢間係個人口味中入緊前三(香港)果D咩旺角街邊"日X小X子",或者什麼商場街市賣20幾蚊果類支持既朋友,你地睇錯POST啦,呢個LV既章魚燒唔係同緊你既比,放心.除左好似好多人講屯門舊墟果間未去過,重有以前有4~5間分舖依家得返太古重有得食果間除外,呢間係我食左咁多年真心覺得香港原來有好食既章魚燒.口感就無為講,試完好食既就有比較,自己試一次吧.
繼續閱讀