114
58
30
港鐵灣仔站 B2 出口
繼續閱讀
開飯介紹
北海道人氣拉麵品牌，其招牌蝦湯底每日用上50公斤蝦頭熬3小時而成，鮮甜突出，另亦不時推出期間限定款式，是拉麵控的好選擇。
繼續閱讀
營業時間
*最後落單時間：21:30
星期一至日
11:00 - 22:00
以上資料只供參考, 請與餐廳確認詳情
相關文章
一早十幾日前已經約定今晚去一幻係佢331搬鋪前試下佢蝦湯拉麵兼且第2碗半價。平日差唔多9點度仲要大道東真係冇咩人，得2個客食緊，所以唔使等輕鬆任坐。4人坐位其實唔多，多數都平排位，想傾住計食都真係睇運數，唔知佢遲啲搬去世貿商場鋪會唔會唔同，多番啲對坐既位。枱上有水有杯提供，筷子紙巾都齊全。侍應都有時間介紹下我地點樣點菜同推介啲套餐。我地3個人所以叫左3個有飲品同小食既套餐，3個都蝦湯麵，另外叫一個叉燒拌麵。3樣小食要左薯仔沙律，木耳同埋筍，3樣都好食，而且冇辣味岩晒我呢啲唔食辣既人。薯仔沙律上面有啲粉紅色既卜卜脆既粒粒但好夾好食，學啲韓國飲食節目咁講，有食感唔會純沙律糊係個口咁。木耳同筍咸淡都岩岩好，作為醒胃小食真係值得推介。我試左鹽味全蝦湯幼麵。湯味都夠晒濃，蝦味夠突出，而且其他特殊味道。證明呢煲湯既蝦都夠新鮮。麵條爽口又彈牙，150G份量亦都幾多，我呢啲重量級既人都覺得食極都好似仲有咁，當然仲有個叉燒拌麵，粒垃叉燒夠晒咸味入味，一定要配住麵食咁就岩岩好，否則單食一粒有些人可能會覺得偏咸啊。最後個支要成個套餐加35蚊既靜岡柑橘梳打真係好飲（可樂+15），覺得呢個35蚊呢支梳打值回票價。唔會太甜，而且柑橘味好香，你慢慢飲完一啖都會好想一放低又要拎番起佢再飲。最後一樣就係今晚食好彩係唔需要飲大量既水，飲支果汁足夠清除你覺得口渴既，因為驚萬一個湯底唔靚就要係咁飲水，發現自己成晚食住碗湯麵同拌麵都只係飲過一次水，因為食湯麵後中途食第一口拌麵個陣想過左湯麵既味試個拌麵，之後食完晒先至飲支果汁梳打。希望佢搬去世貿後都保持水準。
繼續閱讀
差唔多可以脫苦海喇😤所以同同事食野好既行行下見到一間主打蝦湯既拉麵🍜咁啱做緊第二碗半價🤩🤩佢本身都有個係12:15前埋單7折既優惠膽粗粗就入左去啦適量豚骨鹽味拉麵（幼麵）150g🌟🌟🌟分量來講就一般啦，食拉麵不嬲都係唔飽㗎啦，同埋佢個家底都小貴，加底都係得50 g（$15）😅😅之後佢啲配料就還可以啦，叉燒都唔會乾身，肥瘦都唔錯，留心蛋都係平時食開嗰啲啦，到個湯底，好彩冇叫到全蝦湯，如果唔係我以為自己食緊沾麵，因為佢個湯都比較濃，但係都食得出蝦嘅鮮味，可惜真係偏鹹，要瘋狂啪水🥵🥵🥵最後發現原來七折係比較抵食，第二碗半價仲貴過佢七折回頭率：40
繼續閱讀
好耐冇食一幻，今日又出嚟試吓。如果去食一幻，我唔會有其他選擇，一定食招牌蝦湯加幼麵。蝦湯拉麵 $88大家千祈唔好以為一碗拉麵會唔夠飽，其實真係好飽。大大碗麵，裏面有兩塊好軟滑嘅日式叉燒，一隻糖心蛋，仲有濃味蝦湯，真係食到停唔到口。我之前曾經試過一次揀粗麵，但係發覺幼麵會容易掛湯，可以食得更加滋味，所以我以後去一幻都只係食幼麵。曾經15 16要唔要小食，不過實在太飽，唯有等下次同朋友一齊先至share啦☺️
繼續閱讀
朋友經常講一幻拉麵嘅甜蝦湯底好好味，今日終於可以食到北海道人氣No.1拉麵喇！辛辣味噌蝦湯拉麵和原味拉麵可以自己選擇個人化口味，我選了粗麵、有蔥的辛辣味噌蝦湯拉麵。而同事就選了鹽味、粗麵、有蔥、的蝦湯拉麵。湯底味濃郁，叉燒肥瘦均勻、糖心蛋生熟度適中。粗麵彈牙不會太硬，口感唔錯，不過湯底越食越鹹，所以沒有把湯喝完。另外點了個餃子，餃子價錢唔算貴，有5隻，外皮煎得唔係好脆，偏油和味道一般，今次坐係窗邊吧枱位置，望住街景食拉麵都唔錯
繼續閱讀
一幻拉麵有幾出名唔洗講~ 一早係札幌名物，去北海道必食！好彩港九新界都有一幻既分店，唔洗飛北海道都可以享受到新鮮特濃既蝦湯底拉麵！♢ 🍜招牌蝦湯拉麵 $88一幻拉麵既signature，必點！湯頭蝦味濃郁，據說每日用上60kg既北海道甜蝦新鮮熬製。食過一幻拉麵幾次，每次都對佢既湯底念念不忘！湯底可以揀原味(全蝦湯)﹑適量豚骨或濃厚豚骨，而調味可揀鹽味﹑味噌或醬油。我揀左人氣推薦既原味湯底同鹽味，湯頭非常鮮艷，質感稠密，帶有濃郁蝦香味！鍾意蝦湯底既重口味人士必定會鍾意！略嫌湯頭過濃，飲太多既話會覺得鹹，要飲返兩啖水中和下D得。我揀左幼麵，麵條彈牙有嚼勁，而且好掛湯，每一條麵都沾上蝦湯，好正！每碗拉麵附有叉燒同半隻溏心蛋，叉燒肥瘦適中，入口軟腍。而我最鍾意既係一幻獨有既炸麵酥，即係紅薑天婦羅，入口清脆，同拉麵一齊食簡直係perfect match！♢ 🦐特濃蝦汁叉燒拌麵 $108原來呢碗拌麵係香港店限定，全球首次登場架！呢碗拌麵只能配粗麵，配料有叉燒﹑半隻溏心蛋﹑紫菜絲﹑炸麵酥同青蔥。我特別加多一隻溏心蛋同$10多麵酥青蔥，估唔到份量咁多，好抵呀！拌麵既精髓在於特濃蝦汁，每一啖都係蝦頭既精華，鹹中帶鮮，而且帶有蒜蓉、醬油味，口感好豐富，食到最後一條麵條仍然係濃郁既蝦香味，完全唔會乾身！♢ 🍙蝦味飯團 $20紫菜夠哂香脆！飯團每粒珍珠米都滲入左濃郁既蝦香，中間仲有幾粒小蝦米，整體味道唔會太鹹。$20就可以食到咁高質既飯團，抵過華御結呀！一幻拉麵無論係拉麵或拌麵都好出色，湯底非常濃郁，難怪可以係日本稱霸！必須回訪！@dineoutla.hk密密更新☀️ 歡迎追蹤👋🏻
繼續閱讀