影片
營業時間
今日營業
11:30 - 22:00
星期一至日
11:30 - 22:00
*新春期間 正常營業
以上資料只供參考, 請與餐廳確認詳情
有關獎賞計劃
優惠
9折
$100 現金券 日式料理【鮨樂】
$90
$100
相關文章
今晚係鮨樂食晚餐，其實嘢食嘅話雖然唔係特別好，但係認真唔差嘅，係可一嘅餐廳黎嘅。之不過但係，我嗌咗個海鮮蒸蛋，但俾咗一個人地食完嘅蒸蛋俾我，打開個下我係真心shock嘅。呢個唔應該係一間餐廳應該犯嘅錯誤？你可以話餐廳忙，但係今日嘅餐廳得4成滿，而且忙並唔應該係一個藉口？ 咁樣會令到人地點樣諗你地嘅食物質素？ 雖然餐廳有講唔好意思但係成個體驗好差。我冇影低到相，因為上黎過下見到咁，已經即刻同佢講，換個個，所以冇影。
繼續閱讀
同尖沙嘴分店對比下有所失望第一次食鮨樂係尖沙嘴分店，諗住今次近近地揀荔枝角呢間，雖然兩間食物質素都係咁上下，係好食嘅，但服務質素相當大分別。對比起尖沙嘴分店，荔枝角好明顯不夠貼切，換碟收完隻舊碟侍應就企左係度，一直無卑新碟。當時係好多侍應返工，而且店內未係好多客，但完全唔係太顧到我地嘅檯面服務®我地嗌左支清酒，侍應無乜點幫我地倒酒係嗰勺度，自己服務自己心有對比情況下荔枝角分店服務質素真係差距很大，應該不會再揀呢邊分店進食
繼續閱讀
今日經過，見個餐牌野食幾啱食，價錢ok,就就左入去食，叫左兩個壽司盛，牛舌串燒，白鱔串燒，燒粟米，三文魚牛油果沙律，牛肉他他，白子鍋，茶碗蒸，牛肉烏冬，吞拿魚卷，生蠔仲叫埋甜品，埋單都係每人400蚊度（已經飽到要夾硬食晒啲嘢食）。職業服務態度又好，不停幫你斟茶，本身坐普通四人位，一有卡位，職員主動問我地想唔想轉去卡位，幫我地攞晒d茶去新位個度，舊位個d碟同筷子雖然未用過，但因為我地坐過張枱，個d餐具佢都收晒去洗，十分衛生
繼續閱讀
最近好想食日本菜 本身諗住平平地食個壽司郎就算 但實在太多人 所以就搵下附近日本菜 見到佢有幾款指定食品半價都岩食 就呢間啦👐🏻岩蠔🦪 之前因為唔食得好耐好耐冇食生蠔 隻生蠔又大又鮮甜 觸發了我想再食生蠔既慾望鱈魚の白子鍋 本身見到以為係鱈魚 但黎到之後覺得唔係平時咁 上網查先知原來白子係鱈魚雄性的生殖腺 不過我只係食左一細啖見到餐牌有茶碗蒸 即刻叫左一個比個仔食 首先佢好鍾意食蛋 入面有三文魚籽 不斷追住食 差唔多成杯都比佢食哂叫左兩款炙燒壽司🍣 有三文魚腩 厚鰻魚 燒到恰到好處 三文魚燒完之後鎖住到油脂 一咬落去果個感覺十分好 鰻魚好林 好似入口即溶咁刺身就叫左三文魚同三文魚腩 個賣相好靚 三文魚切開左好似雕花咁 而且仲好厚好肥美三文魚芝士卷 炙燒三文魚同芝士係冇得輸既配搭 而鰻魚卷入面有鰻魚 玉子燒 蟹柳 青瓜 一個卷物就有好多唔同既層次軟殼蟹手卷🦀 黎到即刻有軟殼蟹香味 炸得好脆 軟殼蟹中蟹同壽司飯既比例岩岩好最後仲有個牛肉拉麵 配菜有菇類又係好岩我個仔 食完呢個就飽哂了成餐飯都係圍繞鰻魚同埋三文魚 覺得好滿足🥰
繼續閱讀
約咗朋友去食lunch。一句總結，唔好食嘅日本菜。佢哋portion已經好細，都食唔哂，因為係唔想食…. 啲魚生唔靚又紙咁薄，不過係新鮮嘅，食完ok無肚痛。啲飯落醋太多，太酸喇。我覺得某連鎖外賣壽司店嘅幾蚊一件壽司都相對比較好⋯⋯我朋友叫熟食，唔知佢咩味道，但賣相一般般，佢都係食剩好多。至於餐廳環境同服務係可以嘅，唔太嘈，可以靜靜咁傾下偈。侍應晤使叫會自覺咁check吓顧客啲杯使唔使加茶。食物質素要改善吓，唔怪之得成個場係呢間餐廳相對易揾位。
繼續閱讀