影片
開飯介紹
提供多款涼茶及健康飲品，推介有火麻仁及銀菊露等，很受人客歡迎。
繼續閱讀
營業時間
今日營業
09:30 - 23:45
星期一至日
09:30 - 23:45
以上資料只供參考, 請與餐廳確認詳情
招牌菜
大熱天時在大街上，要消暑的話，許多人都會話立即走入商場，去7仔買支冰凍飲品，或者，去一些手搖茶飲店整杯野飲。其實，在香港既不少街頭，到處都有涼茶舖這東西，利用中國傳承下來的配方，幫大家解解暑，清清熱。再者，在50、60年代，涼茶舖更是年輕男女拍拖既勝地啊。這日，在太子街頭的我，行街行到熱辣辣，想飲杯野解一解暑，眼見這《百寶堂》這店就在眼前，就決定企街邊飲碗涼茶。《百寶堂》有什麼歷史? 我沒心機去研究了。只是看得出，店內有大大的銅色大爐，店內仍保留少少60、70年代的感覺。只是，當年父母常說，涼茶舖內有留聲機，可以聽歌仔。這一份寫意，應該沒有可能搵得返了。當日，時間有限，不然我會坐低，食返個龜苓膏。然而，因為時間有限，我就一於企在店前，飲一碗涼茶。放低錢，店員一係打開蓋給預先準備好的一碗給你，一係就在熱水壺或古色古香的銅色大爐，倒一碗給你。當日，我要的就是預先準備好五花茶。自家製的涼茶，味道份外的濃郁，味道不會太甜，感覺到有藥味。一碗，不需要雪凍的，已經可以達到消暑解渴既效果。秒速可以飲完，再同職員示意一聲收碗，成個街邊飲涼茶既過程就完結啦。老子號，可以企係街邊飲既涼茶舖，幸市面上仍有保傅到，令今時今日既我們同我們的孩童，都可以體會到涼茶舖的風味。希望，這些傳統的立飲涼茶舖，不會慢慢地被社會淘汰啦。
繼續閱讀
話說寫咗咁耐openrice都係第一次寫涼茶舖既食評,我諗而家都好少人會專登去街度飲涼茶，因為而家買涼茶嘅地方好方便，例如七仔呀，超市呀都有嗰啲什麼什麼清熱酷，鴻福堂之類嘅涼茶買嚟飲。由於早排真係出去食得太多嘢嘅關係，有一次喺食完buffet之後發覺得真係好熱氣，咁啱經過又見到啲間涼茶鋪~於是乎就同朋友一齊坐低飲杯涼茶之後先去睇戲，裝修嘅的確好懷舊呀，睇得出呢起碼都有二三十年歷史，火麻仁都唔錯不過我覺得佢落多咗少少痛如果少返啲啲~
繼續閱讀
最近我應該食得太多熱氣東西， 又生飛滋和暗瘡了， 我媽媽總會叫我快點食個龜苓膏， 慢慢地，我自己竟都愛上了食龜苓膏，不再怕它的苦味，當然其實它不是真的苦， 而旺角呢間我最喜歡！
繼續閱讀
香港人喜歡吃龜苓膏，因為認為可以清熱解毒，在捱夜上火的時候食用，可以有助調理中醫。但之前曾請教中醫師，他說還要視乎體質，同時當時的身體狀況。其實各式涼茶也要視乎個人身體，及當時身體狀況。香港的龜苓膏確實不少，個人還是喜歡老字號，始終真材實料。百寶堂不是復古懷舊裝修，已是地道的老字號，單看門前的銅葫蘆及銅鼎，已可看出歲月痕跡。他們的龜苓膏有大盅及小盅可選，價格合理，吃上有甘涼中藥味道，其實不加糖水食用，也不會太苦，口感不錯，感覺貨真價實，比連鎖店好。
繼續閱讀
瞓醒覺得喉嚨痛，就去咗旺角呢間涼茶鋪飲番杯涼茶下下火。鋪頭入邊有好多款唔同嘅涼茶，只要講返咩症狀。鋪頭姐姐就會幫你搵返啱你嘅涼茶飲。除左涼茶之外，鋪頭都有龜苓膏食。價錢都唔貴，一杯涼茶都係$12。今次叫咗呢杯五草茶，分別用五種草藥煲成，雖然飲落苦苦甘甘地，但係飲完之後喉嚨真係舒服左唔少。下次都可以試吓
繼續閱讀