9
6
1
營業時間
今日營業
06:30 - 22:30
星期一至日
06:30 - 22:30
以上資料只供參考, 請與餐廳確認詳情
粉紅色獨角獸生日蛋糕，個蛋糕真係好靚～肥妹全程望住蛋糕上面嘅公仔，到切完蛋糕阿妹第一時間唔係食蛋糕係拎公仔。個蛋糕好有蛋味又夠鬆軟👍啲忌廉又唔係太甜 士多啤梨味又唔會好似藥水咁，我哋一家都讚～
繼續閱讀
嚟大埔行街之餘梗係要揾下啲好野食，其中呢間麵包店最出名係💚麻糬布甸包，咁梗係要嚟試吓啦，除咗布甸包之外我都買咗其他嘅包，佢哋呢度係比較偏中式嘅麵包店，除咗麵包之外仲有cake同埋蛋糕等❤️蔓越莓覆盆子布甸包 $16 :呢一款傳統嘅布甸包裏面嘅餡料係蔓越莓覆盆子，我見咁特別想要就買來試吓，整返熱嚟食會特別惹味，布甸包嘅皮外脆內軟，味道都相當濃郁👍🏻，而呢一款味道都幾夾，配料都算多😋💚斑蘭海綿蛋糕 $20 :另外就係呢款斑蘭海綿蛋糕，價錢都相當實惠，食落幾軟熟，不過空氣感唔多，斑蘭味就差啲，唔算好香濃😩💚麻糬開心果布甸 $24 ：呢款就係必食之選，💚開心果麻糬布甸包，每一盒有兩小件，係用咗100%開心果製成😍，所以食落相當濃郁又滑順，而佢嘅外層被帶點煙靭，口感特別，反而甜度適中，值得推介👍🏻👍🏻🎈QQ麻糬波 $13/3 ：另外買咗大家都會食嘅麻糬波波，佢有朱古力味同芝士味揀，不過就太令我失望😩，佢嘅外層都幾硬，食落仲要係空心，又唔覺特別煙靭😩，因為市面上真係有太多麵包店都會有麻糬波揀，就算係擺超過一晚，食起上嚟都會煙韌，又或者會腍身啲，但呢度嘅完全相反，我唔知佢整好咗有幾耐，但即晚食已經係硬身，真係好唔抵食😩😩
繼續閱讀
💁♀️💁♂️ 13/01/2024(Sat), Tea ☕️開心果系列之一 - 誤打誤撞買到好食嘅麻糬開心果布甸🤤🤤🤤位於大埔墟嘅傳奇烘焙🥯都係一間A先生間中會幫襯嘅麵包店，佢哋嘅麵包🥖🥐🍞、蛋糕🍰🎂等嘅選擇都幾多都幾特別，例如會有啲日式嘅麵包賣。今日💁A先生原本諗住入去買麵包俾兩位小朋友🧑👧做早餐，點知俾佢眼尾𥄫到有個新產品-麻糬開心果布甸，一向都鍾意食開心果產品嘅A先生又點會放過呢，於是又買兩件返屋企試吓先，之後睇返原來開心果關注組都有介紹過呢個麻糬開心果布甸。而今日我地order咗：.🔆 麻糬開心果布甸（$24/2個）店方標榜係用上100%法國製無添加開心果醬，入口開心果布甸嘅開心果味濃郁，口感幼滑，而且布甸份量都多，岩晒鍾意開心果嘅朋友。麻糬方面食落煙韌，配合返開心果軟滑嘅布甸，口感唔錯。份量方面佢無一般麵包布甸咁大件，岩晒用嚟做下午茶或者醫肚小食。店員建議係凍食嘅，但我哋試過唔雪入雪櫃，就咁室溫食都好好食。🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：8.5/🔟❤🙆♀️(為食妙妙)整體食評：8.5/🔟👉🏻 開心果味濃郁，食落有布甸嘅軟滑，又有麻糬嘅煙韌A先生車友指數 🚗🛣️ 交通容易指數：🚗🚗🚗🚗(4/5)🅿️ 泊車容易指數：🚗🚗🚗🚗(4/5) 👉🏻 大埔墟附近嘅街道都有唔少錶位🅿️，泊唔泊到就睇你運氣；要泊停車場🅿️可以泊去大埔墟街市🅿️👉🏻 附近廣福道有多線巴士、小巴途經，行10分鐘左右仲有港鐵，交通尚算方便🔆🔆🔆🔆🔆🔆🔆🔆🔆🔆🔆🔆🔆
繼續閱讀
蛋糕選擇多，精美；麪包也選擇多，好食；店舖環境衛生也可以。唯獨是部份店員(大埔區)態度差，甚至連基本禮貌也欠缺，可惜可惜……。期望 貴公司能加以改善店員其差的態度，謝謝。
繼續閱讀
同事嘅客人請食西餅，外觀好精緻😍食落真心不錯，完全唔會只覺得死甜，小朋友老人家都岩食❤️款式夠特別又夠多👍🏻有別於傳統西餅鋪嘅款式，屬於比較新潮D🥰岩曬年輕一族
繼續閱讀