是次黎澳門玩嘅其中一個目標就係黎威尼斯人嘅calbee專門店試葡汁雪糕因為之前透過唔同嘅media睇到帖文都話味道好特別....一向鐘意試新野嘅我一直都想試好耐，今日終於有機會啦calbee專門店係同零食物語合併為同一間店鋪既，而佢就位於威尼斯人嘅美食廣場附近，其實都幾易搵。原來除左有葡汁雪糕外，仲有日本CREMIA雪糕揀雖然我好鐘意食CREMIA，但唔可以忘記原本嘅目標所以都係揀返葡汁雪糕配Potechurro西班牙薯棒，薯棒有肉桂同鹽味選擇。由於我好憎肉桂味，最後都係選擇咗鹽味。落單前職員有特別同我講葡汁雪糕會有少少苦味，問我O唔OK其實唔係好明點解葡汁雪糕會有少少苦味....但經佢咁講完我就更加想試Potechurro西班牙薯棒係即叫即炸嘅關係，所以都大約等咗8分鐘左右。第一啖放入口嘅感覺係覺得佢比較似杏仁霜嘅味道.......微甜，帶有少少奶味但唔明顯。似唔似葡汁?老實講唔太似而所謂嘅苦味唔係即時食到，係以「回甘」嘅形式出現，亦都唔係好強烈。不過味道真心係難食嘅...而Potechurro西班牙薯棒入口係軟糯質感，我以為內餡會係有薯肉，但咬落居然係糯米咁帶薯仔味職員明顯地落鹽落得好重手，薯棒係超級無敵咸仲要係用幼鹽，完全係甩唔到啲鹽無論淨食還是點雪糕食都相當難食希望唔好再有人好似我咁中大伏
繼續閱讀
0
0
1
營業時間
今日營業
10:30 - 23:00
星期一至日
10:30 - 23:00
公眾假期
10:30 - 23:00
以上資料只供參考, 請與餐廳確認詳情
相關文章
您可能會有興趣的...