27
0
1
電話號碼
+853 28552222
開飯介紹
主廚Luís Américo在葡萄牙享譽盛名和國際公認，為食客帶來傳統的葡萄牙美食，配合精心挑選的最好的葡萄牙葡萄酒，走入一個傳統與現代之間的感官體驗，與生活完美結合。
繼續閱讀
營業時間
星期一至二: 07:00-10:30; 12:00-15:00; 18:00-23:00
星期三: 休息
星期四至日: 07:00-10:30; 12:00-15:00; 18:00-23:00
以上資料只供參考, 請與餐廳確認詳情
食家推介
相關文章
今日我們5個人各叫了1份套餐，每位$168，包前菜、主菜、甜品和指定飲品。主菜有鮮魚飯、香燴雞肉、炒蔬菜配雞蛋及薯絲；甜品有檸檬撻和咖啡臻子撻。另外還有前菜煙火腿配紅豆湯🫘，此外有免費送的黑麥包和牛油包，以及咖啡、奶茶、檸茶等指定飲品。若要慶生，訂位時提前幾日跟餐廳溝通預留蛋糕🍰訂座電話☎️：28552222營業時間：星期四至星期二早餐自助餐 07:00 - 10:30 午餐 12:00 - 15:00 晚餐 18:00 - 23:00星期三休息
繼續閱讀
無嚟 #澳門 幾年， #氹仔 同 #Vegas 又拉近咗一大段距講離，周圍都起咗好多新酒店，打卡嘅熱點起碼要兩日先行得晒‼️不過舊城區嗰邊就似乎冇乜轉變，#大三巴 依然人山人海，#的士 依然截接唔到😅嚟到 #澳門，當然要搵好嘢食🤤 呢日經朋友介紹，我哋去咗 Hotel Royal Macau 澳門皇都酒店 樓上嘅 Fado 花道葡萄牙餐廳，試吓佢哋嘅 fado set lunch。酒店位置就喺 #外港碼頭 同 #葡京 嘅中間，喺碼頭搭的士過嚟大概10分鐘就到門口。餐廳嘅裝修帶有葡式嘅味道，環境都幾優雅。我哋揀咗個3-course set lunch，#頭盤 我無要 #小食，點咗個 #椰菜花忌廉湯配鮮蝦， #侍應 將熱辣辣嘅 #忌廉湯 送到我哋面前，再由玻璃壺倒落湯碗內，單係賣相已經非常吸晴😆 而 #主菜 我就點咗 #烤鴨腿配蘑菇，鴨肉好淋滑，完全唔會有羶味，配埋啲醬汁味道都唔錯🤤 而 #甜品 方面，我就揀咗 #朱古力慕絲配榛子雪糕 😉 #榛子雪糕 味道好出好特別，加埋啲 #朱古力慕絲 一齊入口，口感大滿足😉呢度嘅食物同服務唔錯之餘，而最令我喜出望外嘅係每人消費$200都唔使，屬勝價比高系列😉 大家有機會去澳門，不妨預先定位去試吓😎📍 花道葡萄牙餐廳 (東望洋)得勝馬路2-4號皇都酒店M樓
繼續閱讀
這次去澳門入住皇都酒店，順路在酒店葡國餐廳安排一餐素食葡國菜，由沙律到湯到特色主菜到甜品道道有驚喜。特別推介個南瓜Lava蛋糕真係超好食！下次想再去食！一場去到澳門，點都想食下葡國菜，果然酒店餐廳就可以安排素食，環境仲咁靚好值得一試。佔據一整層，座位好多，不過我見平日午市都幾多人，可能因為三道菜set lunch都只係百零蚊，想食的話都係預先訂位比較妥當。有超長檯有大圓檯有包廂，非常適合聚會或宴客。先來麵包盤，其實包都係其次，果三款橄欖油都幾好食，我最鍾意胡椒果個。另外個香草牛油和橄欖醬都超正，食到停唔到口。甘筍西芹沙律伴香醋望落沒甚麼特別的沙律，入口充滿花生醬香氣，越食越好味，立時對餐廳充滿信心。這個沙律餐牌上沒有，不過餐牌有另一款素食沙律，詳情可能問返餐廳。南瓜忌廉湯上桌的時候是一只空碟加三粒芝士，侍應在面前倒湯，五星級酒店就係要有theater。個湯飲落都好香，加埋芝士溶左就越飲越濃。香煎菜餅配蘿蔔芽菜紅豆飯 MOP160這個有點奇怪的配搭，原來是葡國人的傳統素食料理，口感濕潤的燉飯入面有紅腰豆和各式蔬食，吃起來就好健康的感覺。炸的那個類似韓式煎餅，都係有個粉漿撈啲菜再煎，味道都唔錯。咖啡就普普通通唔需要太大期望。南瓜蛋糕配乳清乾酪及杏仁 MOP80我望到menu係南瓜蛋糕，一直以為係香糕南瓜蛋糕，無留意英文有寫lava，切開見佢流心先手快腳亂。蛋糕外面一圈係淡味芝士，剛好可以擋住個流心，擺盤設計非常有巧思。這個撈埋食真係超好食，好耐無食過咁驚喜的甜品，留下深刻印象。
繼續閱讀
平安夜黎呢到慶祝，氣氛不錯，先會有一籃面包，好正，兩個人差不多食晒成盤前菜是一個肉卷同煙肉酥餅薄切馬介休配鷹嘴豆、鮮茄沙律清清地的蛋粒加鷹嘴豆，加上少少辣的洋蔥味，下面有4塊馬介休片，很特別薯蓉青菜湯很正宗的湯，上面有3片葡腸，配埋淡淡的青菜薯蓉味，正烤乳豬配脆薯片呢個少少似扎肉的感覺，外皮脆卜卜，下面是濃濃黑椒味的豬肉，一絲一絲一d都唔乾硬，加埋新鮮烤薯片，細細塊，食唔停口焗鴨飯上面有層芝士火腿葡腸，飯質感因為焗左有少少脆脆的感覺，入面有一絲絲的鴨，味道很好聖誕限定 蘋果肉桂大米布丁肉桂味十分香，面頭有d焦糖脆脆，下面是大米布丁，一粒粒糖糖的吉士加大米，口感有趣
繼續閱讀
唔知你有無同感，去澳門想食返餐正宗葡國餐，但又唔知邊度有得食呢？今次我就帶大家去一間曾經獲獎無數，有水準有口碑又正宗既葡國餐廳，食返餐美味既葡國餐🤤·FADO餐廳位於澳門較早取得五星級既皇都酒店內，好難得餐廳仍然供應價錢極相宜既set lunch，俾我地唔係咁識食又想淺嚐葡國餐既人一個最佳選擇😆😂·我地揀左食二道菜色，價錢為$168，包括頭盤、主菜及餐茶。·☆ 手工麵包盤一嚟就奉上餐前小吃 - 自家製麵包🍞🥖 一大籃份量相當豐富，麵包款式有四款，當中最喜歡鬆脆既多士，搽上微微一層牛油已經好好味😋·☆ 烤雞肉凱撒沙律🥗沙律份量估唔到都幾多，沙律菜新鮮爽脆，沙律內有滿滿既橄欖油，加上撈勻舖喺面既芝士碎一話齊食，令沙律十分juicy🤩 估唔到同平時食開乾爭爭嘅咁大分別！·☆ 葡式馬介休薄餅配鮮茄沙律講到葡國菜，就一定要試試馬介休啦😊 其實馬介休即係鹽漬過既鱈魚🐟 係葡國菜主要食材之一，所以想知嗰度葡國餐好唔好食，就一定要叫佢啦！哩度既馬介休味道咸香， 結實嘅魚肉連埋麵粉一齊炸成薄餅，賣相唔似薄餅，反而似炸魚餅😄 香脆得嚟仍然保持結實口感，一定要叫呀😋😋·☆ 八爪魚飯🐙唔講唔知，原來葡國菜會成日用八爪魚製作菜式，八爪魚飯我都係第一次食，估唔到幾有驚喜🤤 其醬汁頗多非常creamy，起初都有啲擔心會唔會有啲膩，但結果原來係食完一啖又一啖😂 八爪魚切到細細一粒粒，質感軟腍但幾有嚼勁👍👍·☆ 烤豬頸肉配馬鈴薯一向既mindset豬頸肉都係一片片嘅，而哩度既竟然係一大舊嘅，食肉獸表示非常高興😄😚 豬頸肉肉質軟為結實有咬口，同平時食到嘅完全唔同，令我對豬頸肉既概念有一個大轉變呢😆·總括而言，FADO既午市套餐確係十分抵食，而且餐飲服務非常專業，十分值得嚟會一會佢！另外提提你，大家可以先上官網睇睇有咩菜式，餐廳會不定時轉換款式㗎~
繼續閱讀
您可能會有興趣的...