更多
2020-02-23
246 瀏覽
正所謂「早起的鳥兒有蟲吃」,真係無錯架!同寶仔朝早十點去到「澳牛」,唔洗排隊,直入就得!😏十二點之前都可以點早餐~☺早餐有牛油方包、西煎雙蛋、火腿通粉、咖啡或茶(凍飲要加$2),留意返!火腿通粉只可轉粉麵,冇得轉其他餸架!西煎雙蛋就可以轉炒蛋,眾所週知「澳牛」炒蛋最出名,識食一定係食炒蛋啦!火腿通粉通粉軟硬適中,配上金黃色、鹹香嘅雞湯底,不錯!牛油方包烘得微熱香口,配炒蛋一流!炒蛋炒得唔錯,香滑柔軟嘅口感,可惜今次炒得太散,牛油味又蓋過了蛋香,有點失望呢!整體來說,「澳牛」嘅茶餐絕對算係香港嘅茶餐廳中數一數二嘅有水準,難怪有咁多遊客會慕名而來,真係點食都唔會厭!
張貼