影片
更多
2023-02-16
21 瀏覽
早幾日明明仲好熱，情人節先嚟凍番，另一半唔喺身邊唯有去食重慶老火鍋暖吓身🤭一坐低就送咗雪耳紅棗糖水同情人節先送嘅心形辣蘿蔔泥。不得不讚佢嘅醬料，尤其香油完全擔當住畫龍點睛嘅角色，本身食材都好新鮮，但係蘸埋啲醬料食真係昇華好多😋湯底揀咗鴛鴦鍋：重慶辣同養生花膠雞湯。嚟得重慶火鍋店無理由唔試吓個重慶辣，不過唔算太辣，唔食得辣嘅朋友唔洗太擔心😌而個花膠雞湯係限定推出架，唔係成日有，有幾件雞同花膠，鍾意飲湯嘅朋友裝咗一大碗嚟飲🤭美國Prime牛小排(半份)$138比想像中大塊，半肥瘦，牛味濃，幾好食😋特色迷你燕餃(半份)$28真係超迷你，未食過咁細粒嘅餃，幾過癮🤭皮薄但唔易穿。嫩牛肉(半份)$48半份都唔會太少，口感超鬆軟，牛味重，淥3分鐘就食得。萵筍條(半份) $18大條爽脆，甜甜哋。鮮鵝腸(半份)$68爽口得嚟比較滑身，清洗得乾淨無臭味。鮮黃喉(半份)$58好爽口，蘸汁幾好食。武隆苕粉(半份) $28苕粉比平時食開嘅紅薯粉更寬，口感更煙韌，badboy鍾意淥耐少少腍啲入味啲😋現炸豆皮(半份)$38浸一浸湯食，badboy食落覺得似係塊狀嘅山根🤭淮山條(半份)$28淥完好綿，唔蘸汁都好有味。
早幾日明明仲好熱，情人節先嚟凍番，另一半唔喺身邊唯有去食重慶老火鍋暖吓身🤭
一坐低就送咗雪耳紅棗糖水同情人節先送嘅心形辣蘿蔔泥。不得不讚佢嘅醬料，尤其香油完全擔當住畫龍點睛嘅角色，本身食材都好新鮮，但係蘸埋啲醬料食真係昇華好多😋
湯底揀咗鴛鴦鍋：重慶辣同養生花膠雞湯。嚟得重慶火鍋店無理由唔試吓個重慶辣，不過唔算太辣，唔食得辣嘅朋友唔洗太擔心😌而個花膠雞湯係限定推出架，唔係成日有，有幾件雞同花膠，鍾意飲湯嘅朋友裝咗一大碗嚟飲🤭
美國Prime牛小排(半份)$138
比想像中大塊，半肥瘦，牛味濃，幾好食😋
特色迷你燕餃(半份)$28
真係超迷你，未食過咁細粒嘅餃，幾過癮🤭皮薄但唔易穿。
嫩牛肉(半份)$48
半份都唔會太少，口感超鬆軟，牛味重，淥3分鐘就食得。
萵筍條(半份) $18
大條爽脆，甜甜哋。
鮮鵝腸(半份)$68
爽口得嚟比較滑身，清洗得乾淨無臭味。
鮮黃喉(半份)$58
好爽口，蘸汁幾好食。
武隆苕粉(半份) $28
苕粉比平時食開嘅紅薯粉更寬，口感更煙韌，badboy鍾意淥耐少少腍啲入味啲😋
現炸豆皮(半份)$38
浸一浸湯食，badboy食落覺得似係塊狀嘅山根🤭
淮山條(半份)$28
淥完好綿，唔蘸汁都好有味。
油條(半份) $18
油條淥完腍腍哋，吸咗湯汁好入味，食落有badboy好鍾意食嘅麵粉味😋，香口好食，半份唔夠喉🤭
稻庭烏冬(半份) $28
爽滑彈牙偏幼身。
乾貢菜(半份)$28
好脆，獨有嘅菜味。
睇得出方叔叔好細心，完整嘅配套同員工優秀嘅服務令用餐體驗無可挑剔。除咗墊枱紙印咗唔同食材需淥幾分鐘嘅指引，仲有timer方便你計時同有掛篩等你唔洗自己hold住好方便！員工加湯時會有板擋住防止湯濺落客人身上。枱面貼有建議火力，有即棄圍裙，充足紙巾供應，門外仲有除味機！細心位多到講唔哂，非常欣賞方叔叔嘅用心經營👍🏻
張貼
