Deli and Wine (已結業)

最近要返星期六已經好慘 雖然都只係返半日 但我要ot 所以更加慘 放工好似冇左日假期咁 所以我決定食肥野慰勞自己hehe 我就去左附近嘅餐廳 deli and wine 到買左個雙拼飯外賣 -叉燒油雞飯 $46返到公司一打開個飯發覺都幾大碗 而且賣相好好 叉燒同油雞都好大光澤 加埋有啲椰菜同薑蔥 望落都流哂口水 值得一讚嘅係佢個薑蔥切得好細好多蔥而且一啲都唔油 食落去有淡淡嘅薑味 點綴左油雞嘅味道 而佢燒味都好有質素 叉燒上嘅蜜汁平均 而且厚切 食落好有口感同埋唔'鞋' 油雞就好滑 雖然骨比較多 但肉質鮮嫩 好有水準 食完即刻開心哂 不過食得太飽開始眼訓xd