影片
更多
2020-05-19
266 瀏覽
🍊粒粒芝士核桃法國 $24:上次見明太子法國新鮮出爐，就買左個試下，味道好好，明太子醬都好多！今次就試下粒粒芝士合桃法國。個包有濃郁嘅麥香味，口感好好，外煙韌內濕軟，外皮甚至比佢地嘅bagel仲有咬口。邊邊位有d窿窿地，咬上去好脆，滿口焦香，單單係麵包體嘅味道就已經好出色。因為當日食唔曬，所以就放左去冰格。幾日之後再落出黎解凍，然後用煎pan翻熱，同焗完一樣脆。雖然橫切面好快就變淋(可能係因為包體比較濕?)，但係個底就依然脆卜卜，甚至香口過買翻黎直接食。試左用微波爐叮，叮完個包軟綿綿，外皮更煙韌。個人認為直接室溫食反而無翻熱咁正。之後就到餡。講真我就覺得餡唔係好多，但係都算足夠。可惜餡嘅分佈唔係咁平均，有d位好多芝士，有d位就齋包，感覺無果種啖啖滿足感。好彩嘅包味道夠好，無餡都好好食。🍊特濃抹茶焦糖三角 $18:呢個包好似好出名，見好多人都大讚特讚。雖然咩餡都無賣hkd18係有d唔抵，但係話唔定真係好好味呢？拎上手好有分量，d糖渣不斷跌落離。個包聞上去抹茶味好重，外皮硬硬地，佈滿半融嘅糖粒，中間gum落去則軟綿綿。第一啖咬係邊邊位，有d硬，食到一粒粒沙沙嘅口感，而且好甜(因為果個位全部
上次見明太子法國新鮮出爐，就買左個試下，味道好好，明太子醬都好多！今次就試下粒粒芝士合桃法國。
個包有濃郁嘅麥香味，口感好好，外煙韌內濕軟，外皮甚至比佢地嘅bagel仲有咬口。邊邊位有d窿窿地，咬上去好脆，滿口焦香，單單係麵包體嘅味道就已經好出色。
因為當日食唔曬，所以就放左去冰格。幾日之後再落出黎解凍，然後用煎pan翻熱，同焗完一樣脆。雖然橫切面好快就變淋(可能係因為包體比較濕?)，但係個底就依然脆卜卜，甚至香口過買翻黎直接食。試左用微波爐叮，叮完個包軟綿綿，外皮更煙韌。個人認為直接室溫食反而無翻熱咁正。
粒粒芝士核桃法國
$24
56 瀏覽
0 讚好
0 留言
之後就到餡。講真我就覺得餡唔係好多，但係都算足夠。可惜餡嘅分佈唔係咁平均，有d位好多芝士，有d位就齋包，感覺無果種啖啖滿足感。好彩嘅包味道夠好，無餡都好好食。
粒粒芝士核桃法國
$24
38 瀏覽
0 讚好
0 留言
🍊特濃抹茶焦糖三角 $18:
呢個包好似好出名，見好多人都大讚特讚。雖然咩餡都無賣hkd18係有d唔抵，但係話唔定真係好好味呢？
拎上手好有分量，d糖渣不斷跌落離。個包聞上去抹茶味好重，外皮硬硬地，佈滿半融嘅糖粒，中間gum落去則軟綿綿。
特濃抹茶焦糖三角
$18
36 瀏覽
0 讚好
0 留言
第一啖咬係邊邊位，有d硬，食到一粒粒沙沙嘅口感，而且好甜(因為果個位全部係糖)。之後慢慢食落去，發現入面濕潤軟熟得黎密度又好高，外皮有一面無焦糖，但就非常煙韌，兩隻同糖面配合，口感豐富。
面包體嘅抹茶味越食越濃郁，而且唔係好甜，正好中和左焦糖嘅甜膩。可惜個皮始終係甜左少少(畢竟係糖)，一開始好驚艷，食到後尾已經有d膩(鐘意甜野嘅一定啱)。
呢個包直接食可能會膩，但係配茶或齋啡一定一流。都唔怪得佢咁貴，畢竟真係幾特別。
特濃抹茶焦糖三角
$18
39 瀏覽
0 讚好
0 留言
其實間鋪都幾細，雖然款式好多，但係有d包去遲左就賣曬😂
張貼
