更多
2019-09-28
762 瀏覽
好即興咁約阿姨飲茶,阿媽又好善用張會員卡話要去逸東軒。今次我哋一行四人唔食點心食套餐,阿姨大愛前菜個車厘茄,佢哋咁鍾意食我將我嘅車厘茄送咗俾大家平時我對鱔係一般,不過個脆鱔都算好食嘅。海參鍋貼好多汁,我暗暗地爆咗啲喺枱面好彩冇俾人見到😛蝦餃燒賣都係我一貫嘅至愛,而今日嘅湯係西洋菜湯,正,我鍾意👍🏻蝦球二弄係我今次嘅大愛,蝦球超爽好滿足套餐最後嘅炒飯份量都唔少,飯炒得夠乾身,係好食嘅,食完飯係勁飽。甜品係豆腐花,不過我唔鍾意食豆腐花所以冇評語。總結係個午市套餐係抵食又好食
張貼