天天烘焙

營業中

休息中

武漢肺炎搞到好多小店都捱唔住，仲有d無良業主， 搞到生意難做， 聽講呢間天天烘焙都差d頂唔住，好彩佢地響原鋪過少少搵到個鋪位再開，如果唔係，就真係好可惜。。。。 良心小店要頂住呀~經過見到新鋪開咗， 梗係第一時間衝入去支持吓啦~ 今晚可以面包當飯食我買咗個軟心芝士包同紙包蛋糕 返到屋企洗完手就忍唔住即刻食 個軟心芝士包真係好夠芝士， 真係好好味， 超勁多芝士， 每一啖都有滿滿嘅芝士味 食完又唔會覺得漏喎， 勁正個紙包蛋糕就一如以往，真係好軟熟， 好香蛋味，好好食下次要再試佢其他嘅包！