繼 (已搬遷) 新店位置

離開工作咗11年既公司，決定畀自己沉澱下，諗下將來，再重新開始，今日老闆請食farewell 午餐，繼係我哋新發現既一間喺荔枝角區比較高級既餐廳，午餐價錢超抵食，日式裝潢，感覺舒適，今次我哋㨂咗鐵板燒，感覺鐵板燒比日式壽司更抵食。前菜係溫室野菜沙律，非常新鮮蔬菜配埋沙律醋好開胃。師傳喺你面前即時制作食物及講解食材，非常專業又細心。第一道菜，銀鱈魚，魚質嫩滑，非常好味，魚皮煎到好似薯片一樣脆香，另一番風味。第二道菜，法國鵝肝，份量唔太少，而同煎得剛剛好，外脆內香，個人非常喜愛。第三道菜，美國特級牛柳或肉眼薄燒，我㨂咗牛柳比較有口感配蒜片一齊食好香，當然唔算好靚既牛肉所以不能要求太高，同事既肉眼薄燒包住好多蔥蒜又係另一種口味。套餐仲有炒野菜及焦糖多士，我掛住食忘記影相，最後仲有炒飯，麵豉湯同甜品，已經非常飽了。哈哈⋯最後都要多謝老闆請客。