念念不忘十下嘅湯底，大大隻嘅筒蠔，手切肥牛，洛神花茶，今次仲叫多咗人一齊食，又可以order多幾款食物，鮑魚東升斑確實超級正（提早落訂），今次仲有新野試咗牛胸口膀，好味到難以形容，入口即溶，回味無窮，另外三寶丸改咗配方，加咗臘腸，鹹蛋，香味提升咗，超級正，必食推介。另外新推出的大炸魚皮，依款食物其他火鍋店確實少有的，未試過嘅朋友記得要試一試。仲有一款超長嘅蟹柳，真係又甜又好味，我哋點咗幾碟。另外提一提，記得order狗仔粉，配合湯底，吸收了精華，真係正。
地方闊落，環境舒適，播着80年代的懷舊金曲，張國榮、周慧敏、王馨平、黎瑞恩、草蜢⋯⋯70-80s朋友都話冇介紹錯，另外店員服務非常好，主動換碟加湯，唯一要改善嘅地方，就係冷氣非常大，怕凍的朋友要記得帶外套。
