金城茶餐廳

營業中

休息中

積福街好多食肆，有多野簡，但之前新假期推介尼一間既生煎肉餅飯，今次有機會一試。今次去，果間舖出面裝修緊，要仔細d搵，如果唔係好易miss左。入去差唔多5點4，舖頭冇咩人，可以自己簡坐係邊，坐低無洗睇餐牌即刻落單生煎肉餅飯，好似熟客咁，其實我黎之前係openrice上研究過喇哈哈等左一陣，熱辣辣既生煎肉餅飯終於上黎喇，肉餅超大超厚，用筷子夾起覺得很重，肉餅上面淋左d豉油，但飯裡豉油就很少。有幾條菜咬一口肉餅，有d油，因為肉餅中溝左唔少肥肉，又係生煎，所以肉餅很香，好腍，新假期無介紹錯，正！張枱上有無限量攞既菜脯，小小辣，撈飯一齊食超正，店家都幾大方既。一路食一路聽阿姐同熟客傾計，幾得意，幾親切，好似係屋企食飯咁生煎肉餅飯，肉餅超大超厚，又溝左咁多肥肉，飯亦好似唔洗錢咁多，一定超高卡路里，對於減肥既我黎講好罪惡，50蚊唔平，又唔好浪費，所以如果可以有得簡半份就好啦！今次因為係第一次試尼個飯，覺得熱辣辣先可以食到最好狀態，下次再有機會食，我一定會打包拎返去分兩餐食，既唔洗有可以用黎解決兩餐。