更多
2008-05-18
24 瀏覽
一向好喜歡食小籠包, 經過時代廣場, 男友食過金滿庭覺得好味, 建議黎試下閒日的7點, 勁多人排隊, 要等10幾張枱菜館門口有茶壺, 茶杯同一盒零食, 等位既時候都可以頂住肚先, 相當有心思!我地拎左飛仔之後就周圍去行街, 半個鐘頭之後返黎, 仲有成5,6張枱好彩呢個時候知客問有無人搭枱, 我地之前既客人全部都唔肯唔理啦, 搭枱咪搭枱, 最緊要有野食入面地方好大, 我地響一張不規則形狀既枱度坐低左位與位之間的空間非常寬闊, 一d都唔迫, 真係唔覺得係搭緊枱先黎一壺人參烏龍, 入口回甘, 好飲!再上一個前菜, 係一碟蘿蔔絲之類既野, 男友就叫佢換過碟油爆蝦比我地另外叫左小籠包, 擔擔麵, 乾扁四季豆同鎮江排骨可惜電話無電, 影唔到靚相(以下評分10分為滿分)油爆蝦: 好脆, 都有差不多十隻蝦, 可以連殼食的, 是不錯的特色小食, 不過應該幾熱氣, 不宜多吃7分小籠包: 名不虛傳, 非常好味! 汁多皮薄, 熱辣辣既肉汁仲辣親個咀唇! 同鼎泰豐既小籠包各擅勝場. 一籠有8隻咁多, 不過我食完4隻都仲想食 10分擔擔麵: 其實對擔擔麵不太喜愛, 不過好出名, 所以就試下. 麵是相當的彈牙, 不
一向好喜歡食小籠包, 經過時代廣場, 男友食過金滿庭覺得好味, 建議黎試下
閒日的7點, 勁多人排隊, 要等10幾張枱
菜館門口有茶壺, 茶杯同一盒零食, 等位既時候都可以頂住肚先, 相當有心思!
我地拎左飛仔之後就周圍去行街, 半個鐘頭之後返黎, 仲有成5,6張枱
好彩呢個時候知客問有無人搭枱, 我地之前既客人全部都唔肯
唔理啦, 搭枱咪搭枱, 最緊要有野食
入面地方好大, 我地響一張不規則形狀既枱度坐低左
位與位之間的空間非常寬闊, 一d都唔迫, 真係唔覺得係搭緊枱
先黎一壺人參烏龍, 入口回甘, 好飲!
再上一個前菜, 係一碟蘿蔔絲之類既野, 男友就叫佢換過碟油爆蝦比我地
另外叫左小籠包, 擔擔麵, 乾扁四季豆同鎮江排骨
可惜電話無電, 影唔到靚相
(以下評分10分為滿分)
油爆蝦: 好脆, 都有差不多十隻蝦, 可以連殼食的, 是不錯的特色小食, 不過應該幾熱氣, 不宜多吃
7分
小籠包: 名不虛傳, 非常好味! 汁多皮薄, 熱辣辣既肉汁仲辣親個咀唇! 同鼎泰豐既小籠包各擅勝場. 一籠有8隻咁多, 不過我食完4隻都仲想食
10分
擔擔麵: 其實對擔擔麵不太喜愛, 不過好出名, 所以就試下. 麵是相當的彈牙, 不過我對擔擔麵的湯興趣不大... 如果係上湯或酸辣湯我會更鍾意
7分
乾扁四季豆: 炒得好香口, 相當惹味! 是驚喜之作
9分
鎮江排骨: 我以為鎮江排骨是用鎮江骨汁黎燴的, 點知原來係炸既... 炸粉好厚, 味道怪, 我食左一舊已經唔想再食
1分
總的來說: 服務態度良好, 食物質素高, 環境舒適, 而且食滿200蚊可以免費泊車3個鐘
下次一定會再返黎, 試埋其他點心, 如紅油抄手, 酸辣湯等!
張貼