甜姨姨私房甜品 (清風街)

營業中

休息中

星期五晚上大約9點半，同4個中同去甜姨姨食甜品。一去到，已經見到好多人係出面排隊，我地要等五張枱，但因為唔係成日尼到天后，所以決定等啦。等左大概20分鐘有位，入到去之後，叫左兩個甜品。第一個係薄荷朱古力雪花冰，雪花冰既份量還好，唔會太甜，朱古力醬亦非常足夠，配料有西瓜、香蕉同埋珍珠，但份量略嫌太少，特別係香蕉，淨係得兩小塊，唔夠喉。第二個甜品係木桶豆腐花，上菜既時候連埋TIMER一齊上，要等五分鐘先可以食，但唔記得問佢原因。豆腐花本身自帶甜味，但加埋黃糖就更加惹味。而且腐花本身好滑，所以好好食。