影片
更多
2021-05-02
13484 瀏覽
五一勞動節假期，book 左個九龍香格里拉大酒店Staycation package，包一晚普通酒店房住宿加二人Café Kool Lunch Buffet同Breakfast Buffet，$1500樓下有找，好似係幾平。自助早餐又係Cafe Kool食。7：30至10：30就係早餐時段，其實都唔算長。早餐只係開放左一個區域，雖然無特別野，不過選擇都可以接受。入門口就係果汁自由斟，有西瓜汁，橙汁同西柚汁。西瓜汁超甜。西柚汁正常地痠。值得一提，呢度牛奶同豆奶都有，仲要熱同凍都有。穀物有五款，包括燕麥脆格，可可米，全麥維，燕麥片，粟米片。有果乾同瓜籽自己加落早餐殼物度。乳酪有五款，包括希臘乳酪，雜莓，熱情果，桑莓，藍莓。只有藍莓味有鮮藍莓食。質素尚可。沙律吧得四款沙律菜，有d菜係啡左架。連大路車厘茄都冇。好彩仲有紅菜頭，雞心豆，紅腰豆同芝士碎等toppings。凍麥皮溝得好食。水果切粒，有西瓜，菠蘿，哈密瓜同蜜瓜呢啲大路野，西瓜同哈密瓜好甜，其他質素正常。西式早餐有薯餅，煙肉，豬肉腸，雞肉腸，火腿，法式多士，格仔餅，燒雜菜，茄汁焗豆，熱麥皮，炒蛋。薯餅非常香脆，好好食，我encore左一
入門口就係果汁自由斟，有西瓜汁，橙汁同西柚汁。西瓜汁超甜。西柚汁正常地痠。值得一提，呢度牛奶同豆奶都有，仲要熱同凍都有。
穀物有五款，包括燕麥脆格，可可米，全麥維，燕麥片，粟米片。有果乾同瓜籽自己加落早餐殼物度。
乳酪有五款，包括希臘乳酪，雜莓，熱情果，桑莓，藍莓。只有藍莓味有鮮藍莓食。質素尚可。
沙律吧得四款沙律菜，有d菜係啡左架。連大路車厘茄都冇。
好彩仲有紅菜頭，雞心豆，紅腰豆同芝士碎等toppings。
凍麥皮溝得好食。
水果切粒，有西瓜，菠蘿，哈密瓜同蜜瓜呢啲大路野，西瓜同哈密瓜好甜，其他質素正常。
西式早餐有薯餅，煙肉，豬肉腸，雞肉腸，火腿，法式多士，格仔餅，燒雜菜，茄汁焗豆，熱麥皮，炒蛋。
薯餅非常香脆，好好食，我encore左一次！法式多士同格仔餅都少見，不過質素就......格仔餅薄得可憐，軟淋淋，法式多士都係軟淋淋又薄。
即煮雞蛋櫃枱可揀煎蛋（太陽蛋，荷包蛋，全熟），炒蛋，水波蛋，水煮蛋，班尼迪蛋，奄列（可選火腿，芝士，洋蔥，燈籠椒，蘑菇，番茄）。
我試左奄列，質素尚可，可惜厨師記錯左我要既配料......
西式早餐之後到一個小小既印度早餐，有三款，包括印式小麥粉，印式素菜，印式牛油薄餅。
粥檔有白粥同牛肉粥，仲有即製油炸鬼。
試過牛肉粥，正常。
粉麵檔永遠有條人龍，我懶得排隊，無試。好似同午餐既粉麵檔差唔多。
小小既日本早餐有綠茶蕎麥麵，麵豉湯同日式照燒雞。日式照燒雞好味道，嫩嫩地味道又好，少有我食左幾轉雞。
中式早餐有雜菜粒炒飯，豉油皇炒麵。
點心種類算多，有馬拉糕，蝦餃，叉燒包，素菜餃，山竹牛肉。
蝦餃個餡又爽又脆，係塊皮就過厚。素菜餃都可以。
凍肉櫃有忌廉芝士，煙三文魚，雜錦凍肉。忌廉芝士分開左細細碟。煙三文魚就麻麻地。
芝士拼盤隔離有提子同原個蘋果。係角落一個無人去既地方原來有無麩質包點！
西式包點選擇都唔少，有鬆餅，精選丹麥包，牛角包，Bagel，六榖包，黑麥包，白方包，全麥包。蜜糖同果醬任攞。
包點質素唔錯，牛角包（特別係杏仁片牛角包）又脆又好味，我一個人食左兩個！精選丹麥包有藍莓同士多啤梨，都算酥脆。出去買一個都至少賣十幾蚊啦。
總括而言，食物選擇都算可以接受啦。可能假期黎，人多成日要等，無辦法啦。俾OK啦。
張貼
