潮館 (創紀之城五期(apm)) (已結業)

方魚炒芥蘭芥蘭夠大條，炒得有鑊氣，而且唔會好生、硬，反而配菜方魚唔出味，看似起鑊前再加上去。滷水拼盤食過好多次了，好穩陣嘅送飯菜式，😋唔會單一咸味，滷水味多層次，底部還有白蘿蔔，唔錯。什菌花膠豆腐煲看似細細煲，其實幾足料，好多豆腐，豆腐滑，花膠都唔差，味道唔錯，芡汁稠度剛好。清蒸花尾龍躉仔蒸得剛剛好，配襯甜甜哋嘅蒸魚豉油同葱絲熟油，魚肉質嫩滑有鮮味。瑤柱蛋白炒飯份量好大碟，飯炒得粒粒分明，飯略嫌乾身左少少，蛋白唔夠融合於飯中，分布不平均。鑊仔胡椒豬肚雞最期待的，可惜最失望，淡無胡椒味，豬肚和雞無味而且切得大細不一。