更多
2018-07-24
231 瀏覽
我又嚟FUM喇！點解嚟得咁密咪為咗任食壽司囉！ 逢星期六呢道有早午餐食，共有六道菜式不過壽司係無限任嗌！你哋知啦呢道係有質素嘅日本餐廳嚟！可以任嗌壽司都係收＄450/位真係抵到冇朋友。 7月份食到嘅客人就爽喇！可免費爆飲可任飲朝日啤酒、三得利啤酒、大門 ✕ 文・純米吟醸及各款汽水，原價＄128/位架！ 第一樣係精選小食六款脆卜卜送酒一流！一早起身飲碗熱辣辣嘅麵豉湯，肚皮即刻暖暖粒粒好舒服！串燒有牛脷、免治雞肉棒、雞翼及冬菰，燒得幾乾身樣就好靚仔！食落都好正斗尤其係牛脷粒，鬆軟多汁又夠味。雜錦天婦羅有兩件可口炸蝦天婦羅，而且還有玉米筍、秋葵、茄子，最鍾意呢D冇厚粉嘅靚女。壽司到！有鯛魚、油甘魚、深海池魚、三文魚、帶子、左口魚、甜蝦、呑拿魚、鰻魚、香蔥碎呑拿魚腩卷、加州卷及玉子壽司足足12款，咪話我聽唔冧呀！ 整番個眼超超拼盤先！唔使問阿貴最鍾意係魚壽司，左口魚係大贏家！其它嘅都好新鮮食一轉已經回來有突，唔信自己去睇下餐牌！最後仲有櫻花雪糕做甜品，帶住滿足嘅身軀返工去！
逢星期六呢道有早午餐食，共有六道菜式不過壽司係無限任嗌！你哋知啦呢道係有質素嘅日本餐廳嚟！可以任嗌壽司都係收＄450/位真係抵到冇朋友。
7月份食到嘅客人就爽喇！可免費爆飲可任飲朝日啤酒、三得利啤酒、大門 ✕ 文・純米吟醸及各款汽水，原價＄128/位架！
第一樣係精選小食六款脆卜卜送酒一流！
一早起身飲碗熱辣辣嘅麵豉湯，肚皮即刻暖暖粒粒好舒服！
串燒有牛脷、免治雞肉棒、雞翼及冬菰，燒得幾乾身樣就好靚仔！
食落都好正斗尤其係牛脷粒，鬆軟多汁又夠味。
雜錦天婦羅有兩件可口炸蝦天婦羅，而且還有玉米筍、秋葵、茄子，最鍾意呢D冇厚粉嘅靚女。
壽司到！有鯛魚、油甘魚、深海池魚、三文魚、帶子、左口魚、甜蝦、呑拿魚、鰻魚、香蔥碎呑拿魚腩卷、加州卷及玉子壽司足足12款，咪話我聽唔冧呀！
整番個眼超超拼盤先！唔使問阿貴最鍾意係魚壽司，左口魚係大贏家！其它嘅都好新鮮食一轉已經回來有突，唔信自己去睇下餐牌！
最後仲有櫻花雪糕做甜品，帶住滿足嘅身軀返工去！
張貼
