南京東路 (已結業)

下午茶3點多,係皇室堡看看有什麼抵吃,黎到南京東路,但在外面看以為他們下班時段,細問一下原本4點前還可有野食,而且優惠時段11至4。入座發現祇有2枱人,我們選了兩個擔擔麵,包括四川擔擔麵及黃魚擔擔麵,再加上紅油炒手及小籠包。四川擔擔麵湯底不錯,唔算太辣,而且麵質爽口。黃魚擔擔麵湯底鮮味,充滿魚湯美味,而且黃魚沒有魚骨,但個人口味,都是喜歡較濃的四川擔擔麵。小籠包肉汁不錯,但肉質一般。紅油炒手以為很辣,原來係帶有甜味,都幾特別。賣單每人$80, 可以歎茶及靜靜地傾下計既地方都不錯。