CoHee

營業中

休息中

天陰陰，冇咩好做，同朋友去吓咖啡店飲咖啡吹水係唔錯嘅選擇～呢度環境好大，坐得都唔算迫，冇人排隊又唔限時間，坐一日都得，咖啡有好多選擇，其實都唔知點揀😅，唯有問店員：「其實有咩分別呢？」店員都好樂意介紹唔同產地嘅咖啡豆有咩唔同，最後點左杯熱Latte同埋Dirty,Latte咖啡唔洗加糖都會帶少少甜味，唔苦好易入口，好啱我😋Dirty店員介紹話飲冷熱交替嘅層次，好特別，先飲到好濃嘅咖啡味，後邊再飲到牛奶嘅味多啲，質地好幼滑～午餐食咗個蕃茄醬大蝦意粉，呢個時間食啲開胃嘢真係好正，啲意粉唔太淋，係我鍾意嘅質地，又唔會太多汁水流流～啲蝦都新鮮彈牙～🍤🍤🍤🍤朋友點左個煙三文魚香草意粉，意粉一樣唔會太淋，三文魚嘅份量都好多～有啲食用花裝飾好靚，加埋少少三文魚籽點綴，即是多咗一啲鹹鮮味～雖然係忌廉汁，不過份量冇過多唔會太膩～兩個意粉嘅份量都好多，幾飽下😂為咗幫助消化😂點咗個檸檬撻同雪糕蘋果批，檸檬撻嘅檸檬醬做得好滑味道亦都好濃酸甜味啱啱好，蘋果批係熱嘅，帶有微微嘅玉桂香味，個蘋果批底係酥皮嘅，酥酥脆脆，冷熱交替好好味🤤有時間可以去Hea下，附近環境都算乾淨安靜，睇吓書就用咗一日😌😌