影片
2023-07-26
789 瀏覽
冇諗過atum集團原來有咁多分店 日式洋食屋雖然開得多但係好多都係蛋包飯 意粉之類 呢間menu好似被奶油風席捲好吸引！到左仲發現環境好正 整間餐廳分幾part 有最出面嘅cafe setting 入面嘅榻榻米佈置 仲有田園風😆榻榻米係連結大堂同廚房個度 雖然好應聲但係好闊落！🥘蟹肉蟹膏甲羅燒燉飯💰178係與眾不同嘅pasta同risotto之間揀左好似會更creamy嘅飯 呢隻仲有有個蟹蓋訓係飯上面 入面有足料嘅蟹肉 撩開就會係黑色嘅蟹膏 D risotto整體偏水 可以啖啖飯都被cream包裹著 但係飯粒煮得好好 係我鐘意偏軟嘅口感😻因為係日式西餐所以撒左D飯素係上面 蟹肉有海水嘅清同鹹味 蟹膏就比較漏 撈飯之後就更柔滑！不過比較上意大利飯會仲清新過蟹膏🤣🍗月見雞肉棒串💰88明太子雞翼同雞肉棒串之間 梗係揀返個冇咁常見嘅食 有3條炸過嘅雞肉棒浸係醬汁入面 呢隻醬真係超特別 因為除左用炸豬扒嘅汁之外仲有一隻生蛋！所以可能撈勻就有蛋黃嘅香甜味 點上簡直係「親子串」🤣雞肉棒入面有打碎左嘅軟骨同D配料 咬落卜卜脆！點醬就更好味🍣柚子醬油吞拿魚他他最中餅💰138本身以為吞拿魚他他下面會係曲奇
冇諗過atum集團原來有咁多分店 日式洋食屋雖然開得多但係好多都係蛋包飯 意粉之類 呢間menu好似被奶油風席捲好吸引！到左仲發現環境好正 整間餐廳分幾part 有最出面嘅cafe setting 入面嘅榻榻米佈置 仲有田園風😆榻榻米係連結大堂同廚房個度 雖然好應聲但係好闊落！
🥘蟹肉蟹膏甲羅燒燉飯
💰178
係與眾不同嘅pasta同risotto之間揀左好似會更creamy嘅飯 呢隻仲有有個蟹蓋訓係飯上面 入面有足料嘅蟹肉 撩開就會係黑色嘅蟹膏 D risotto整體偏水 可以啖啖飯都被cream包裹著 但係飯粒煮得好好 係我鐘意偏軟嘅口感😻因為係日式西餐所以撒左D飯素係上面 蟹肉有海水嘅清同鹹味 蟹膏就比較漏 撈飯之後就更柔滑！不過比較上意大利飯會仲清新過蟹膏🤣
🍗月見雞肉棒串
💰88
明太子雞翼同雞肉棒串之間 梗係揀返個冇咁常見嘅食 有3條炸過嘅雞肉棒浸係醬汁入面 呢隻醬真係超特別 因為除左用炸豬扒嘅汁之外仲有一隻生蛋！所以可能撈勻就有蛋黃嘅香甜味 點上簡直係「親子串」🤣雞肉棒入面有打碎左嘅軟骨同D配料 咬落卜卜脆！點醬就更好味
🍣柚子醬油吞拿魚他他最中餅
💰138
本身以為吞拿魚他他下面會係曲奇撻底 但係原來係米餅底 作為前菜來講酸酸地清新好開胃！吞拿魚刺身粒同三文魚籽嘅組合可謂一個爆汁一個爆油脂 吞拿魚嘅酸味刺激味蕾 不過下面嘅米餅就吞噬左呢浸味 食完米餅好似啷完口咁 迎接下一道
🍫季節甜品
💰88
問左店員原來呢個seasonal係「士多啤梨xx朱古力xx芭菲」咁就以為係日式經典嘅高杯入面有雪糕同麥片碎碎 但係真係超乎想像 嗌嘅呢個盲盒甜品反而係最有驚喜 原來係蛋白糖芭菲 士多啤梨同朱古力都唔係普通嘅醬咁簡單！
最top有一團粉紅色嘅士多啤梨cream座落係一舊雲上面 係士多啤梨cream上面仲插左幾片朱古力脆片 原來個舊白色雲係蛋白糖 就咁敲唔得 要將佢成舊擺係碟上面敲碎 就會有糖粉嘅質感😗齋食會甜死 搽上cream反而解膩 再勁一層就係撩下面酒杯入面嘅士多啤梨同朱古力甘納許 搽係蛋白糖上面一齊食！朱古力有可可香味 無甜味 加上士多啤梨嘅酸甜剛好中和左蛋白糖一味嘅甜！係好有創意嘅食法
🍵抹茶拿鐵
💰52
呢度嘅漸變抹茶拿鐵做得好靚 攪勻又唔會太濃！
整體坐係榻榻米加上日系木色調嘅裝修環境 已經好有日式家庭風 雖然食物比較甜膩 但係口味都做得唔錯！不過可能座位太應聲所以比較嘈雜 坐出面會更舒服！
📌 MUTA Restaurant by ATUM (尖沙咀)
尖沙咀彌敦道132號美麗華廣場1期地庫B131號舖
查看之前的留言 ()
張貼
