蕉徑休閒村

營業中

休息中

週末去郊遊,見到最近唔少人打卡呢間好綠油油🌱🌱,主打有機蔬菜嘅田原cafe☕~間店真係有啲僻,但真係好有遠離繁囂嘅感覺,可以好好咁嘆一個下午😌~佢哋嘅包全部自家製🍞,我好喜歡呢種包嘅texture~加埋滿滿嘅蒜蓉牛油🧄,非常香濃~正到我哋打包咗兩條走😋😋~佢哋嘅沙律主打用本地菜🥒,當然要試下~啲菜好新鮮爽脆🥬,而且支持本地農夫係好值得的!佢哋仲有得買本地新鮮有機菜,100蚊3包勁大包😍~我哋後來買咗紅莧菜,苦瓜同秋葵,全部都勁嫩滑無筋~同平時街市買開嘅菜無得比👍👍!佢哋嘅咖喱好出名🍛,不過對我嚟講偏辣咗啲🌶,但的確非常香~加埋個法包點咖喱汁,我係流住鼻涕雪雪聲咁清咗碟😂😂~呢個芝士煙肉焗有機菠菜薯蓉個面烤到燶燶地🔥,一睇就知勁脆口~芝士又非常拉絲🧀,加埋菠菜薯蓉~簡簡單單用鹽同黑椒調味就好好食🧂~呢度啲菜咁靚,當然要飲杯鮮打果汁🧃~有幾款蔬果可以揀,蘋果苦瓜夠清熱🍎~無額外嘅甜味,完全靠蘋果嘅糖份~我就叫咗蜂蜜檸檬梳打🍯,同樣好好味~但嚟呢度食我會推介蔬果汁多啲~佢哋仲有個甜品櫃,有焦糖布丁哥啲🍮~但我哋覺得芝士蛋糕比較吸引🍰~佢嘅芝士蛋糕唔會好甜,加埋檸檬酸酸地好解膩🍋~呢度仲有三隻