品香樓中西風味餐廳

營業中

休息中

同朋友係九龍塘行完街，之前食過附近有間叫品香樓嘅餐廳食宵夜又平又正宵夜嘅menu豐富得黎又幾抵，有炒飯炒麵，都係35-50蚊左右，上次食左牛河於是我今次就試下福建炒飯，加多杯必叫冒凍朱古力，朋友就嗌左乾炒牛河。福建炒飯係蛋炒飯底，上面啲料好豐富，西芹新鮮幾爽口，好多蝦仁同腰果，略嫌太濕，份量好足夠，幾飽。乾炒牛河賣相吸引，牛肉多之餘又入味，洋蔥加芽菜令香味更加豐富，略嫌太多油，但係唔影響佢嘅味道，值得一試。呢度嘅凍朱古力好出名，上面嘅忌廉好好味，未見過咁嘅配搭，好新鮮個人口味中意朱古力甜啲，呢杯啱曬我，唔會太苦，正。