DK Cuppa Tea

營業中

休息中

大表姐多年前已遷往美國落地生根，今次回港主要都係探望冇見好耐o既親友。XO仔記得表姐一向愛收藏小天使o既飾物擺設，故一收到佢個行程表，就立刻相約幾位老表一齊午膳，並訂好地點為「DK Cuppa Tea」，務求要帶幾位靚女一嚐餐店以天使作主題o既「賽姬戀曲」套餐。嘻嘻，多得之前為「DK」填寫過餐後感想附上自己o既聯絡電郵，八月初剛好收到店子o既「四人同行，一人免費」推廣詳情，小肥當然係把握機會，即時為約會購買優惠券。由於早幾個月前已經試過「賽姬戀曲」及「綠野遊踪」，細佬就好唔客氣咁提出可否四人同行時點選兩款套餐，其中二人要天使組合「賽姬戀曲」，XO仔則想試試「飄雪樂園」，好客友善o既老闆娘亦好爽快地答允。再次踏入秘密草原，感覺依然輕鬆舒暢。人一到齊，Jason哥哥隨即送上茶品。襯托「飄雪樂園」o既「有機玫瑰伯爵茶」清幽靈神。沖泡入杯中o既玫瑰花粒傳出陣陣花香，香氣撲鼻。最有特色可算係茶杯頂上淺藍色o既「有機佛手柑蝶豆花棉花糖」雲層，因熱茶o既水蒸氣上升，令棉花糖溶解，營造出落著藍雨o既情景之際，更可為茶品增添「佛手柑」o既甜香，為視覺及味蕾譜奏出奇幻狂想曲。「飄雪樂園」淺藍色o既托盤上除