更多
2019-01-10
107 瀏覽
其實都係無意中search到呢間餐廳, 又見lunch價錢都唔算太貴, 況且間中豪一次, 咪嚟試下囉~好彩預早book咗位, 雖然早咗10分鐘去到, 都要等多幾分鐘先有得入, 跟住見到好多walk in客, 嚟到都冇位, 話要等到差不多lunch完先會有位, 估唔到會有咁多人囉~ 响等緊位期間, 當然係視察現場環境, 我係搭扶手電梯上去, 但原來係有"車立"搭, 而且佢果層個"車立"門仲整到成個貨櫃門咁, 雖然唔係好夾, 但覺得好搞鬼, 有創意~ 原來呢度有成過萬尺, 有bar枱、有高枱、有類似coffee shop的枱、有正常西餐廳的枱、有半圓型梳化位、仲有獨立房, 不過唔知幾多人先可以book房? 無論水吧或廚房, 都係開放式, 食客可以見到整個過程~ 裝修都幾有格調, 但燈光亦都係屬於好有格調果d偏暗環境~落單後幾分鐘就上餐湯同餐包, 都算好快~ 南瓜忌廉湯+餐包是日餐湯係南瓜忌廉湯, 雖然唔係好濃南瓜味, 但都食到d南瓜茸, 同埋最緊要係唔太creamy, 唔會飲完碗湯就飽哂~餐包都暖暖地, 唔係普通餐包, 似係d五殼包果類, 但又唔會太多太大粒殼"銀"牙~响飲緊湯食緊包時,
好彩預早book咗位, 雖然早咗10分鐘去到, 都要等多幾分鐘先有得入, 跟住見到好多walk in客, 嚟到都冇位, 話要等到差不多lunch完先會有位, 估唔到會有咁多人囉~
响等緊位期間, 當然係視察現場環境, 我係搭扶手電梯上去, 但原來係有"車立"搭, 而且佢果層個"車立"門仲整到成個貨櫃門咁, 雖然唔係好夾, 但覺得好搞鬼, 有創意~
原來呢度有成過萬尺, 有bar枱、有高枱、有類似coffee shop的枱、有正常西餐廳的枱、有半圓型梳化位、仲有獨立房, 不過唔知幾多人先可以book房? 無論水吧或廚房, 都係開放式, 食客可以見到整個過程~ 裝修都幾有格調, 但燈光亦都係屬於好有格調果d偏暗環境~
落單後幾分鐘就上餐湯同餐包, 都算好快~
南瓜忌廉湯+餐包
13 瀏覽
0 讚好
0 留言
餐包都暖暖地, 唔係普通餐包, 似係d五殼包果類, 但又唔會太多太大粒殼"銀"牙~
响飲緊湯食緊包時, 飲品都上埋, 估唔到都幾快~
凍檸茶
10 瀏覽
0 讚好
0 留言
都係因為上OR睇到其他人食評, 話佢杯凍檸茶唔係用水造的冰粒, 而係用茶去造冰條, 所以專登試下係咪好濃味d?
但唔知點解我覺得我果杯條冰唔夠人地果杯條冰咁深色, 係淡咗色d, 好彩佢係用茶冰, 因為本身佢茶底唔算濃, 如果再比d冰水溝淡咗, 會更加唔好飲, 加埋佢d檸檬都唔夠味, 飲品上失色咗d~
但原來主菜係以龜速上, 雖然你見到廚房有幾個廚師不停手係咁煮, 但由於過萬尺的餐廳坐滿人, 根本做到做唔切, 我地差不多等咗半粒鐘, 中途不停追幾個唔同侍應/經理, 個個都話整緊, 排緊, 好快, 但等要等到1點9先上呢~
烤西班牙黑毛豬扒配無花果黑醋燒汁
12 瀏覽
0 讚好
0 留言
11 瀏覽
0 讚好
0 留言
呢個黑毛豬幾好食, 有肉味, 夠質感得嚟又唔會un或者鞋, 有少少脂肪得嚟又唔會太肥, 配埋個無花果黑醋燒汁, 有少少酸酸甜甜, 好醒胃~
不過個意粉份量好似細咗d, 早知兩份都配意粉, 因為佢意粉好食過飯, 意粉有略為炒過, 但我覺得硬咗少少, 如果淋返少少就正~
炭烤羊扒配車厘茄、嫩菠菜、薩丁尼亞珍珠麵
6 瀏覽
0 讚好
0 留言
車厘茄+嫩菠菜+珍珠麵炒埋一齊, 都幾得意, 未食過珍珠麵, 其實個質地即係意粉, 不過係一粒粒咁解, 但見到有好多粒都炒都變咗黑色, 但食落又唔覺有燶味?
炭烤美國特級西冷牛扒8安士配紅酒乾蔥汁
8 瀏覽
0 讚好
0 留言
由於時間關係, 我地要用15分鐘去KO食呢個主菜, 真係食完都唔知食緊乜, 餐廳根本低估咗客量同上菜速度, 佢樣樣都係即叫即整, 大部份都係扒類, 非常嘥時間, 真係要好好諗下個menu, 不過下次有機會都想試下佢個晚餐, 睇下會唔會好d? 因為晚餐冇咁趕時間, 就算佢遲上菜都唔係咁大問題............
題外話/補充資料:
食完之後一星期左右, 已經見到好多網站介紹, 我估之後會更加多人, 但希望質數唔會降低~
(以上食評乃用戶個人意見 , 並不代表OpenRice之觀點。)
張貼