更多
2016-12-21
5335 瀏覽
上個月中「星月居」仍在試業期間，好榮幸地XO仔已有機會親嚐多道順德美食，當時亦即時為大家作出詳盡報導。睇過細佬篇食評後，多位長輩都話好有興趣一試，所以晚輩就喺餐廳正式開幕後搞咗次大食會聚餐。離聚餐日約兩個星期前已收到「星月居」o既短訊，通知新店成功領有酒類牌照，自來酒品均會酌量收取開瓶費；細問下得悉普通750ml裝紅、白酒每樽收$200，明顯自己並非VIP。唔知係咪冬至將近o既關係，除咗六間廂房之外，今次大堂中央仲增設咗張大圓枱。樓面伙計全部都忙得團團轉，認得小肥o既都好友善地上前打招呼，不過佢地o既同事中亦有幾位黑面神，真係唔知幾時得罪咗佢地囉！因深知餐店只招待預先訂座之顧客，及必先預設菜單，小弟就憑上次經理哥哥所派o既咭片以whatsapp與其通訊。經理哥哥第一次傳黎供參考之「新張誌慶菜單」如下：順德魚蓉羹翡翠玻璃明蝦球大良野雞卷伴鮮蟹肉炒鮮奶日本吉品鮑扣柚皮菜遠炒黃皮老虎班球脆皮妙齡乳鴿12隻生炒腊味糯米飯養顏蛋白杏仁茶12位用$13800多謝加一服務费（請参考！多謝！）價格及餸菜都跟上次食嗰席有好大差異，似乎經理誤會咗XO仔為第二個客人，所以自己就送上存檔之相片記錄，要求重寫菜
離聚餐日約兩個星期前已收到「星月居」o既短訊，通知新店成功領有酒類牌照，自來酒品均會酌量收取開瓶費；細問下得悉普通750ml裝紅、白酒每樽收$200，明顯自己並非VIP。
唔知係咪冬至將近o既關係，除咗六間廂房之外，今次大堂中央仲增設咗張大圓枱。樓面伙計全部都忙得團團轉，認得小肥o既都好友善地上前打招呼，不過佢地o既同事中亦有幾位黑面神，真係唔知幾時得罪咗佢地囉！
因深知餐店只招待預先訂座之顧客，及必先預設菜單，小弟就憑上次經理哥哥所派o既咭片以whatsapp與其通訊。經理哥哥第一次傳黎供參考之「新張誌慶菜單」如下：
順德魚蓉羹
翡翠玻璃明蝦球
大良野雞卷伴鮮蟹肉炒鮮奶
日本吉品鮑扣柚皮
菜遠炒黃皮老虎班球
脆皮妙齡乳鴿12隻
生炒腊味糯米飯
養顏蛋白杏仁茶
12位用$13800
多謝加一服務费
（請参考！多謝！）
價格及餸菜都跟上次食嗰席有好大差異，似乎經理誤會咗XO仔為第二個客人，所以自己就送上存檔之相片記錄，要求重寫菜單。李經理都好客氣地及好有效率地作出修改。經過幾次微調，大食會晚聚之餐單最終如下：
花膠拆會蛇羹2窩
大良炒鮮奶
豉油王大蝦11隻
瑤柱扒豆苗
黃皮老虎班2味
菜遠炒球
薑葱頭腩
脆皮燒乳鴿6隻
生炒糯米飯
紅蓮百合元肉糖水
11位用$5830
多謝加一服務費
由於幾個星期前已於OpenRice度發表過評論，心諗唔會再寫，所以都冇再刻意去影相，無奈越食越不對勁，大食會會友彈多過讚，仲強調細佬有必要向讀者交代重臨時，「星月居」如何失準；見佢地反應咁大，自己都真係好過意唔去，食到中途亦只好為食剩之餸菜拍返幾幅大特寫。成晚唯一能令席上一眾長輩讚賞o既就係餐店舒適高雅o既環境及桌上精美o既碗碟。
第一味出場同上次一樣係「花膠拆會蛇羹」，不過今次個羮就稀咗好多，而且唔係咁足料。哈，點知大家都未黎得切去品評蛇羮，個「黃皮老虎斑兩味之莱遠炒球」就已經上咗枱。老人家食魚總愛襯熱食，未飲完個羮就趕住要佢地食魚，大家即抱怨地向服務生提出要餸菜慢啲上，佢亦好樂意地向廚房通傳，不過見佢垂頭喪氣咁返出黎，似乎受咗唔少氣。。。
老虎斑球食落第一口已覺其厚肉韌皮且唔鮮，席上o既隱世廚神隨即道出當晚條黃皮老虎斑為「沙皮」，喺高級食肆根本冇可能攞俾客人食。埋單時見收銀叔叔問到對晚餐是否滿意，小肥就誠實地回答話長輩埋怨老虎斑「沙皮」，佢就毫無歉意地話「海魚係咁架啦」，態度實難令人服氣。
黃皮老虎斑兩味之莱遠炒球
91 瀏覽
1 讚好
0 留言
瑤柱扒豆苗
87 瀏覽
1 讚好
0 留言
「沙皮」老虎斑之薑葱頭腩
152 瀏覽
3 讚好
0 留言
脆皮妙齡乳鴿
115 瀏覽
1 讚好
0 留言
張貼
