更多
2011-01-04
52 瀏覽
今日(4-1-2011 Tue)爸爸又上大陸,我就要買o野食喇,就o黎呢間前晚和味蘇介紹同我幾年前已經想o黎, o既嘉樂啦.今日女同事FC晏晝已經想o黎食,但有幾個人排隊,所以佢唔食.我放工就過o黎,未夠6:15pm都full晒,有三個人等o緊,等o左一陣有位喇.睇吓餐牌先,嗯,雞絲奄列,蘇玉華介紹,對面個女食客食o緊,好香o既鳳凰奶糊.好,落單也.哩一一個樓面叫我唔好食雞絲奄列,大份到我哽唔落.叫我食$20.00o既細火腿奄列.啊.之後都叫$17.00o既鳳凰奶糊,豉油皇雞翼同炸餛飩拎走.等o左一陣,細火腿奄列到喇,嘩!都好大份,重有件牛油方包.奄列面見到有啲蛋汁,食落,有啲係炒得嫩,但有啲太熟,可能一面太厚啦,內裡o既火腿絲有好多,而且食得出有已加o既醬油味,不過好彩只有好少,但我始終覺得奄列唔應該加醬油.而牛油方包呢,食到好重牛油味,望真啲,原來o個片未熔牛油好似一片芝士咁厚,o衣o家好少茶餐廳o既牛油方包唔會有咁多牛油o架喇.味道: 3.5分鳳凰奶糊到喇,一隻生雞蛋放o係黃色o既奶糊o既中間,我食完火腿奄列後,至學收銀教蘇玉華咁攪,由於冷氣太凍,奶糊起o左一層膜,攪勻後我就食喇
今日女同事FC晏晝已經想o黎食,但有幾個人排隊,所以佢唔食.我放工就過o黎,未夠6:15pm都full晒,有三個人等o緊,等o左一陣有位喇.
睇吓餐牌先,嗯,雞絲奄列,蘇玉華介紹,對面個女食客食o緊,好香o既鳳凰奶糊.
好,落單也.哩一一個樓面叫我唔好食雞絲奄列,大份到我哽唔落.叫我食$20.00o既細火腿奄列.啊.之後都叫$17.00o既鳳凰奶糊,豉油皇雞翼同炸餛飩拎走.
等o左一陣,細火腿奄列到喇,嘩!都好大份,重有件牛油方包.奄列面見到有啲蛋汁,食落,有啲係炒得嫩,但有啲太熟,可能一面太厚啦,內裡o既火腿絲有好多,而且食得出有已加o既醬油味,不過好彩只有好少,但我始終覺得奄列唔應該加醬油.
而牛油方包呢,食到好重牛油味,望真啲,原來o個片未熔牛油好似一片芝士咁厚,o衣o家好少茶餐廳o既牛油方包唔會有咁多牛油o架喇.
味道: 3.5分
鳳凰奶糊到喇,一隻生雞蛋放o係黃色o既奶糊o既中間,我食完火腿奄列後,至學收銀教蘇玉華咁攪,由於冷氣太凍,奶糊起o左一層膜,攪勻後我就食喇,已經唔熱只係暖暖,食得出有吉士味,但唔甜亦唔係好杰,所以唔會好漏,但因為係大大碗,所以我好飽.
味道: 4分
之後我記得$6.00一件o既滷水豆腐都係名物,所以加兩件拎走.
食完喇,拎張單出去埋,收銀話重欠炸餛飩未執,佢好風趣咁話等佢包好拎去炸.原來真係要等佢,而且係最後一碟,哈哈.
所有o野齊晒喇,盛惠$102.00.返到屋企計返,原來豉油皇雞翼同炸餛飩都係$25.00,外賣每個盒加$1.00.
所有外賣其實係拎返屋企畀男友食,而我又食啲.
其實個外賣一拎上手,已經嗅到好香,好似西多士o既香味.
返到屋企影埋相,
唔理好飽,都先食滷水豆腐,件滷水豆腐又係好大件,
咬落去,好入味,就連裡面都染o左色,
食真啲仍食到豆味,唔錯.男友之後返o黎食都大讚好食.
味道: 4.5分
炸餛飩,size唔大,
可惜已經係半脆半腍,內裡有一隻蝦同豬肉,都幾香.不過男友食到最後一隻竟然係脆,而佢o既評價係雖然已經有啲腍,但仍食到香口,強啊.而呢個一客有十隻o既.
味道: 5分
豉油皇雞翼,
一客六隻,呢個都好夠味,甜甜地,雞肉仍滑.
味道: 5分
環境:
全卡位,真係好迫.
o岩o岩坐正風口位,好凍.
服務:
樓面好,收銀o既更好.收銀o既好得意,我等外賣時,有個客人埋單時話要攞返o野,原來佢見個客拎住o野坐會迫,所以代為保管,唔錯.
而且我以為唔係熟客唔會同你講o野,但原來唔係,好nice呢.
其他:
佢o地為o左keep住食物水準,所以等我出去埋單至炸我o既餛飩,真係好好啊.
張貼
