荳子 (海壩街) (已結業)

前幾日岩岩食過一次荳子，今天經過又想入去食，一個人正在乖乖排長龍時，侍應就招呼我跳過人龍入去，原因系一個人🤪哈哈哈爽吖！一個人食飯都幾著數企在門口排隊好曬，如果店家有遮或者雨棚會好好多。 點左鴨比意大利飯，抹茶流心土司，侍應話抹茶流心土司要等耐d，所以一早order左先。意大利飯配餐飲，加25蚊有薯條。無令我失望，呢個鴨比意大利飯無論從賣相到味道都十分正，飯軟硬適中，有少少辣，但好微，晤食得辣的朋友應該都可以試下。鴨比炆得好爛，好入味，筷子一夾就似蒜瓣咁拆開左。甜品終於焗好上枱賣相真的很不錯，隔離枱兩個女仔大放心心眼望住佢。真的系新鮮滾熱辣，叉子一下去即到流心。好足料，抹茶味很濃。伴有朱古力碎同杏仁，零舍滿足。