滿江紅小甜甜 (已結業)

耐不耐要全辣一餐，首選滿江紅小甜甜，地點方便又好吃，由茶介嘅青辣椒開始刺激一直帶到尾，青辣椒用豬油渣拌過帶點豬油香泡椒鳳爪鹹味啱啱好但辣度不及前者。麻辣魚春煲㷫住上，同外面天氣一樣夠火辣，魚春有炸過鋪滿煲面，煲底有薯仔同青瓜，索哂中辣嘅麻辣汁，超讚辣子蝦同辣子雞同價錢，當然揀鮮味啦，外面多數配花生炒，但呢度配腰果，比較高質，蝦嘅份量多又夠大隻，而且好新鮮，鹹辣配合得好好。二人叫三款辣同每人一杯青檸樹（可惜略嫌太甜）份量啱啱好唔做大嘥鬼完全清哂