更多
2014-01-26
1803 瀏覽
之前撘車幾過Beans時以為佢係一間時裝店,到早一、兩個week前係荃灣肚仔餓又唔知食乜好時上OpenRice一睇至知原來係間cafe,而且重係一間有All Day Breakfast同Egg Benedict賣嘅cafe!之不過我一個人食得幾多嘢呀!兩者只選其一試下先。於是抱住半中伏嘅心態揀咗Egg Benedict($68),因為係香港未試過一間整Egg Benedict整得好食!上菜速度唔算快,大約等咗5分鐘,餐飲先上。我揀咗杯Americano,好香亦唔酸,正過“士他畢”。再過多10分鐘,主菜終於都嚟喇。賣相一流,絕唔會一pat嘢。水煮蛋整得剛剛好,我本身唔鍾食火腿煙肉之類,所以佢配三文魚啱哂我!拮穿個蛋黃,等啲蛋汁流哂出嚟再溝埋荷蘭汁嚟點Muffin食,好正!重有一大堆沙律菜伴碟,食哂真係超級飽!
之不過我一個人食得幾多嘢呀!兩者只選其一試下先。 於是抱住半中伏嘅心態揀咗Egg Benedict($68),因為係香港未試過一間整Egg Benedict整得好食!
上菜速度唔算快,大約等咗5分鐘,餐飲先上。我揀咗杯Americano,好香亦唔酸,正過“士他畢”。再過多10分鐘,主菜終於都嚟喇。賣相一流,絕唔會一pat嘢。水煮蛋整得剛剛好,我本身唔鍾食火腿煙肉之類,所以佢配三文魚啱哂我!拮穿個蛋黃,等啲蛋汁流哂出嚟再溝埋荷蘭汁嚟點Muffin食,好正!重有一大堆沙律菜伴碟,食哂真係超級飽!
張貼