更多
2015-09-15
1128 瀏覽
上次赤王麻麻地，碰啱順路過開依頭比多次機會您。嘩，今日咁多人既，搞到我要坐面壁位添，似乎窄左少少，坐得唔舒服。決定食黒王，普通醬油味走蔥超硬麵，lunch 都係依舊唔加底啦，唔想食太飽，叫多個餃子好過。咩黎架？成將紙巾咁，昆布油？好得意啊黑天王普通醬油味走蔥超硬麵，都唔黑既？夏天美白左，淺啡色湯底，似豉油多過黑湯。雖然話係豬骨湯底，但醬油味重，機乎蓋過晒豬骨味。質地濃厚，飲落味道香濃，滿意噃！而且溫度夠熱，剛剛燙咀溫度最好食！超硬麵 good！乾身既麵掛湯力特強，每一啖都充滿香濃湯汁，好好食！今次依個黑王十分高質，比我第一次試既赤王好十倍！味蛋滷得入味，流心蛋黃黏黏的，勁正！記得拉麵已包左半隻蛋，加多半隻滿足喇。加點即礳芝麻味道更香口。上次叉燒瘦猛猛，今次就肥騰騰，有無半肥瘦架？肥叉燒肥到好似煙肉一樣，脂肪位咬落膠口微黏，骨膠原豐富。瘦肉不過不失，食落醬油味香濃，香而不濁，而且完全入晒味，係肥左少少囉。烤餃子，專登唔加底想試多個小食。仿如新鮮出爐，香噴噴又熱辣辣。外皮烤得微脆金黃，淋一點果醋同吃可減輕煎炸感覺又開胃，烤比炸既更乾爽，唔會油淋淋。雖然豬肉餡並不是塞得滿滿，仲不乏肉汁添，幾
上次赤王麻麻地，碰啱順路過開依頭比多次機會您。嘩，今日咁多人既，搞到我要坐面壁位添，似乎窄左少少，坐得唔舒服。
決定食黒王，普通醬油味走蔥超硬麵，lunch 都係依舊唔加底啦，唔想食太飽，叫多個餃子好過。咩黎架？成將紙巾咁，昆布油？好得意啊
黑天王普通醬油味走蔥超硬麵，都唔黑既？夏天美白左，淺啡色湯底，似豉油多過黑湯。雖然話係豬骨湯底，但醬油味重，機乎蓋過晒豬骨味。質地濃厚，飲落味道香濃，滿意噃！而且溫度夠熱，剛剛燙咀溫度最好食！超硬麵 good！乾身既麵掛湯力特強，每一啖都充滿香濃湯汁，好好食！今次依個黑王十分高質，比我第一次試既赤王好十倍！味蛋滷得入味，流心蛋黃黏黏的，勁正！記得拉麵已包左半隻蛋，加多半隻滿足喇。
加點即礳芝麻味道更香口。上次叉燒瘦猛猛，今次就肥騰騰，有無半肥瘦架？肥叉燒肥到好似煙肉一樣，脂肪位咬落膠口微黏，骨膠原豐富。瘦肉不過不失，食落醬油味香濃，香而不濁，而且完全入晒味，係肥左少少囉。
烤餃子，專登唔加底想試多個小食。仿如新鮮出爐，香噴噴又熱辣辣。外皮烤得微脆金黃，淋一點果醋同吃可減輕煎炸感覺又開胃，烤比炸既更乾爽，唔會油淋淋。雖然豬肉餡並不是塞得滿滿，仲不乏肉汁添，幾好食。
張貼
