更多
2015-09-12
1012 瀏覽
無意中上網發現紅磡有拉麵店喎，仲要叫做天王，撞啱同事得閒就結伴試試。地方都幾寬倘架喎，估唔到午市無咩食客，真奇怪。豚王有 5 款湯，黑白赤綠同限定。天王則有 4 款，黑白赤同限定。嗜辣既我永遠都係由辣開始，赤王口味普通、香油普通、叉燒要、蔥不要、麵超硬、味蛋全隻、黑木耳、紫菜、豚角煮。同事要白王同烤餃子。lunch 唔食太飽喇，一般黎講我必定加麵底最少一個架！麵怪一名，好鍾意食麵。味蛋，我地一般都叫佢做糖心蛋或半熟蛋，麵未到佢先到，皮膚晶瑩剔透喎，即刻想咀返啖，但等埋碗麵影張全家幅先。過左成分鐘麵都仲未到，忍無可忍要咬返啖先！滷得氣味氛芳香甜，加上流心蛋黃甘香濃郁，黏黏的漿住您的舌頭，爽乎。赤天王拉麵超硬麵走蔥，原來 standard 已經有半隻味蛋、黑木耳、椰菜，叫多左喇。赤湯微暖唔多夠熱，湯底微辣不香又單調偏淡，失望。超硬麵爽口，有質數，掛湯力雖強，但湯底太淡，都係加點七味粉較好。叉燒瘦到出奇，質地乾鞋，麻麻地。有一隻半半熟味蛋大滿足，但感到有點超標，雖然我好鍾意食蛋啫，哈哈。木耳好爽啊，紫菜咸香，夾住麵條食口感特別豐富。白天王拉麵軟麵多蔥，湯好似豬骨即食麵湯粉味，不香不甜，味道麻
無意中上網發現紅磡有拉麵店喎，仲要叫做天王，撞啱同事得閒就結伴試試。地方都幾寬倘架喎，估唔到午市無咩食客，真奇怪。
豚王有 5 款湯，黑白赤綠同限定。天王則有 4 款，黑白赤同限定。嗜辣既我永遠都係由辣開始，赤王口味普通、香油普通、叉燒要、蔥不要、麵超硬、味蛋全隻、黑木耳、紫菜、豚角煮。同事要白王同烤餃子。lunch 唔食太飽喇，一般黎講我必定加麵底最少一個架！麵怪一名，好鍾意食麵。
味蛋，我地一般都叫佢做糖心蛋或半熟蛋，麵未到佢先到，皮膚晶瑩剔透喎，即刻想咀返啖，但等埋碗麵影張全家幅先。過左成分鐘麵都仲未到，忍無可忍要咬返啖先！滷得氣味氛芳香甜，加上流心蛋黃甘香濃郁，黏黏的漿住您的舌頭，爽乎。
赤天王拉麵超硬麵走蔥，原來 standard 已經有半隻味蛋、黑木耳、椰菜，叫多左喇。赤湯微暖唔多夠熱，湯底微辣不香又單調偏淡，失望。超硬麵爽口，有質數，掛湯力雖強，但湯底太淡，都係加點七味粉較好。叉燒瘦到出奇，質地乾鞋，麻麻地。有一隻半半熟味蛋大滿足，但感到有點超標，雖然我好鍾意食蛋啫，哈哈。木耳好爽啊，紫菜咸香，夾住麵條食口感特別豐富。
白天王拉麵軟麵多蔥，湯好似豬骨即食麵湯粉味，不香不甜，味道麻麻，而且好油呢。軟麵好似浸腍左既蝦籽麵又似廿過腍既熟麵，一野掃晒落口，味道即食麵一樣，失望。叉燒好瘦，生前梗係無啖好食喇，陰功豬，善哉善哉。
烤餃子，真係烤架喎，完全見唔到半點油，烤得金黃微脆。豬肉餃配果醋，整體不過不失，一試無妨。
豚角燒，睇個名豪無頭緒係乜東東，我最愛試新野架！好緊張啊，到到喇，樣貌十足燒五花腩，除左又肥又油外無野講，無咩味道既？好奇怪。隔離仲有碗凍既烚豬肉粒喎，到底依道菜要點食架呢？係咪要用五香腩卷住凍豬肉粒食呢？哈哈。最後全部倒晒落碗湯度浸黎食，費事煩。
拉麵天王？天王名過其實，有點浪得虛名噃，普通到不得了！最好食居然係糖心半熟蛋，非常香濃好味！係公司行到鬼死咁遠黎食真係嘥氣，不過勝在 lunch 無咩人，環境舒服寧靜又唔洗等位。
張貼
