樺得園 (已結業)

W burger 一直放在我美食bucket list裡，因為唔近自己嘅生活圈，所以一直未有機會去試。最近，得知這店快將結業，特意約左朋友放工後去，果然沒有令我失望。W burger 是一間位於九龍城嘅地區街坊小店，有多款特色漢堡包，其中以黯然銷魂菠蘿漢堡包🍔極具香港特色。每一層都食得出店主嘅誠意。這裡就讓我解構一下：1. 漢堡包，是烘底菠蘿包，麵包香脆而包面脆皮唔會散開。麵包是由店主的家族麵包舖每日新鮮製作，位於同區，名為W Bakery。相信因為這原因，麵包有品質保證。👍🏻2. 半熟煎蛋，煎蛋係煎得剛剛好，蛋黃半凝固，咬落去唔會流晒出嚟，所以唔會食到成咀都係。這個生熟程度做到恰到好處，係我喜歡嘅程度，好味道之餘，食嘅時候可以保持儀態，唔會失禮。🤗3. 义燒，係主角，亦都係成個漢堡包嘅靈魂。义燒是店主自家製, 味道香甜，口感軟腍，真係好好味，比好多燒味舖都整得好食😋這小店真是性價比超高，每款漢堡包都可以+$28升級做套餐，包括有小食及飲品。