麥當勞 (已結業)

阿華田軟雪糕死啦,我真係好鍾意食雪糕， 食到不能自拔，我諗我手提電話既雪糕相一定多過有自己樣啲相。。。今日不幸俾我見到麥當勞又有阿華田雪糕呢。我同事話好飽好飽，但在我威迫利誘之下，陪我食一杯，我點的係筒裝軟雪糕，佢點既係阿華田麥旋風。 阿華田味超濃，有啲似朱古力味，唔會太甜，夠結實(可能今日唔太熱)。朋友的係麥旋風，除左濃郁的阿華田軟雪糕，仲有阿華田朱古力粉同聰明豆，一路食一路short short聲。不過我見到都有少少嚇親，配料份量超多！好開心食到啲咁平又好味即雪糕，一定會食多幾次先！