人人和平小飯店

營業中

休息中

冬天一到，食返啲暖胃惹味嘅臘肉就最啱，所以今次猴子叫咗客油鴨脾飯，連例湯及熱飲都只係HK$55，呢區嚟講算係抵食。  大大隻油鴨脾，色澤一流，真係睇見都流晒口水，食落嘅鹹香味亦係令人開胃，最啱用嚟餸飯。其實以呢隻油鴨脾嘅濃郁味道，用半隻嚟餸飯都可以刨晒一碟飯，唔夠喉嘅話呢度都可以免費加飯。  例湯係西洋菜湯，飲落味道好似有啲偏淡，再飲埋杯奶茶，感覺都係偏淡。不過呢個可能係因為油鴨嘅濃郁味道太搶鏡，其他食品嘅味道相比起嚟就會覺得清淡咗。