更多
2013-08-20
197 瀏覽
作為一個近貼OPENRICE嘅新晉食家，難得今晚一班中同聚首一堂為一個朋友「慶生」，仲唔拉佢地去位列OPENRICE「餐廳排行榜」三甲嘅千鍋居試吓菜？話說我早前BOOK咗10位，一去到就有位，唔須要等。由於新開張不久，地方好新淨而且寛敞，可算係一個同一大班朋友們用餐嘅好地方。******************************好，入正題。重慶麻辣雞煲（半﹣＄138），雞煲配料有莞茜､大蔥､辣椒碎､花椒粒，而花椒味特別突出，所以整個雞煲都麻麻辣辣，令人流哂口水，相當惹味；不過雞件比較細少，唔夠啖啖肉，如果可以改善呢一點，呢個雞煲值一百分！酸菜桂魚鍋（＄238），我首先食桂魚就被俘虜咗，真係好美味！酸菜、芽菜同桂魚片可算係絕配，桂魚片非常軟滑，由於魚片冇骨，我食得安心又放心！魚片的酸菜味令人胃口大增，朋友們對魚片都讚口不絕；不過湯水味道過份地濃烈，酸到有點苦味，我接受唔到。花蛤蒸水蛋（＄88），呢個花蛤水蛋真係欺騙我嘅感情，首先花蛤同水蛋兩種味道根本沒有融會貫通，好似硬生生地放埋一齊，水蛋蓋過花蛤嘅鮮味，花蛤得幾隻，有幾隻入邊更係空殼！唯一安慰係水蛋煮得滑，我食咗成碗白飯都係因為個
話說我早前BOOK咗10位，一去到就有位，唔須要等。由於新開張不久，地方好新淨而且寛敞，可算係一個同一大班朋友們用餐嘅好地方。
******************************
好，入正題。
重慶麻辣雞煲（半﹣＄138），雞煲配料有莞茜､大蔥､辣椒碎､花椒粒，而花椒味特別突出，所以整個雞煲都麻麻辣辣，令人流哂口水，相當惹味；不過雞件比較細少，唔夠啖啖肉，如果可以改善呢一點，呢個雞煲值一百分！
酸菜桂魚鍋（＄238），我首先食桂魚就被俘虜咗，真係好美味！酸菜、芽菜同桂魚片可算係絕配，桂魚片非常軟滑，由於魚片冇骨，我食得安心又放心！魚片的酸菜味令人胃口大增，朋友們對魚片都讚口不絕；不過湯水味道過份地濃烈，酸到有點苦味，我接受唔到。
花蛤蒸水蛋（＄88），呢個花蛤水蛋真係欺騙我嘅感情，首先花蛤同水蛋兩種味道根本沒有融會貫通，好似硬生生地放埋一齊，水蛋蓋過花蛤嘅鮮味，花蛤得幾隻，有幾隻入邊更係空殼！唯一安慰係水蛋煮得滑，我食咗成碗白飯都係因為個水蛋，btw $88真係完全唔值囉。
九制豬手（＄88），話說我唔知呢款係咩菜式，食咗一口有好淡淡嘅話梅香味，就估到佢係九制話梅豬手！所以係一碟好成功嘅話梅豬手，豬手忟得幾腍，個人認為話梅味可以再濃烈一點。
孜然風沙骨（＄138），雖然佢叫孜然風沙骨，但一點孜然粉嘅味道都沒有，整碟都鋪上炸蒜碎，反而似蒜香風沙骨喎，有點失望。排骨炸得有點過火，炸得暗暗的，好在味道還可以，排骨肉質均匀，筋位細嫩。
生啫通菜梗（＄68），夏天點能夠唔食當造嘅通菜呢？啫啫通菜梗呈嫩綠色，清脆爽口，蝦醬味好得！食落有點薯片味！真係好味道！
黃金蝦（＄188），以＄188得8隻真係呃秤啊，我地同枱9個人都唔知夠邊個食囉！味道只屬一般，咸蛋炸得尚算香，但蝦不夠香脆，相對起葵芳的金潮小廚，真係差幾條街！！而且金潮係一大碟而唔係8隻囉，強烈不推介。******************************
另外，「千鍋居」服務值得一讚！其一，侍應落漏咗單亦非常誠實承認；其二，當日我們自備咗birthday cake，佢地有雪藏服務，而且食完飯有幫我地換碟﹠叉食CAKE。食咗咁多款，請咗一位朋友，每人都係比咗＄164，價錢亦見化算。總括來講，今晚同朋友們過了一個開心嘅晚上！
張貼
