GREEN

今晚又去咗HOTEL ICON嘅GREEN食晚餐。好鐘意佢呢到無特別定要分兩輪，唔限時間，可以配合自己晚飯時間開餐，亦唔使怕趕住要埋單交枱。逢星期五到星期日都會供應呢個海鮮SET DINNER，＄558四個COURSE，再加無限添飲飲品。我叫咗焗法國蝸牛做頭盤，湯就要咗法式龍蝦湯，主菜一個要烤琵琶蝦，另一個要蟹肉龍蝦汁闊條麵SHARE。甜品就要咗焦糖燉蛋，不過呢個唔記得影相。GREEN食物質素一向都唔差，今次嘅焗法國蝸牛，龍蝦湯，烤琵琶蝦全部都好食，全晚最失色係蟹肉龍蝦汁闊條麵，入口好淡味，麵完全可以話係無味。焦糖燉蛋就稀咗少少，唔係好成型，有少少失手。但總括來講，呢個價錢嘅環境同食物質素，性價比仍然係高嘅。希望餐廳可以保持水準，少啲失手，會繼續支持。