田舍家

營業中

休息中

係人都知田舍家係我最鍾意既餐廳（冇之一），所以今次就特登黎試人人都推介既brunch，點知一試之下，唔係唔好，有啲失望囉！刺身，炸物，小食同紅/白/清酒係自助/任食的。刺身明顯比晚餐供應既低級左，但比起外面既餐廳都已經好食好多，大部分都係鮮甜既。炸物能夠保持水準，炸粉唔會太厚，又香又脆，炸蝦仲有大大隻蝦，好食。但小食就一般，有好多都凍左。每人可以點一款主菜，我要既係龍蝦配蟹沙律。龍蝦鮮甜彈牙，配上三文魚子，係味蕾一大享受。個蟹沙律件蟹大得誇張，又好爽口彈牙，沙律就唔好食，入面啲螺絲粉好林，個味又好味，我見枱枱都冇食個沙律。我地另外仲叫左鵝肝，好好食，煎得剛好熟，鵝油好香。之後到甜品，其實都不過不失。但個macaroon好好食！有紫薯，綠茶，檸檬，玫瑰，朱古力味。全部都好好食。佢唔會死甜，玫瑰有好香玫瑰味，入口鬆化，正呀！我食左10粒有多。